પૈપ્પલાદ-સંહિતા · અધ્યાય 19.39

યા ત્રિષપ્તૈઃ પુનર્ એતિ
નાના રૂપાણિ બિભ્રતી ।
વાચસ્પતિર્ બલા તસ્યા
આરે હેતિં દધાતુ મત્ ॥

વાચા નુત્તા કૃત્યાદ્ ઇન્દ્રવતી
જાગ્રતા સ્વપતી કૃતા ।
નુત્તા પાકસ્ય શંસેન
પ્રત્યક્ કર્તારમ્ ઋચ્છતુ ॥

યદ્ એતદ્ ભૂરિ સ્પર્ધસે
કૃત્યાસ્મીતિ મન્યસે ।
પ્રતીચીના પરેત્ય
વિષાદ્ ઇવ વિષમદ્ ધતઃ ॥

પરેણૈત્વ્ અઘશંસો
મૈનેન સમ્ અરામહિ ।
દ્યૌશ્ ચાસ્માન્ પૃથિવી ચ-
-ઉભે પાતામ્ અંહસઃ ॥

યવ યાવયાસ્મદ્ દ્વેષાંસિ
યવમયેન હવિષા ।
દુર્હાર્દે ચક્રુષે કૃત્યાં
ગ્રીવાસુ પ્રતિ મુઞ્ચતમ્ ॥

અન્યા વો અન્યામ્ અવત્વ્
અન્યાન્યસ્યા ઉપાવત ।
અશ્વા ઇવ પ્રવલ્ગન્તીઃ
કૃત્યાં હતૌષધયો
ઽરાતિં હતૌષધયઃ ॥

મેહોપ ગા મોપ રંસ્થાઃ
પથાં દુર્ગાણ્ય્ અન્વ્ ઇહિ ।
સપત્નિ નશ્યતાદ્ ઇતો
દૂરં ગચ્છાધ્ય્ ઓકસઃ ॥

યસ્યાસ્ તે નામ ગૃહ્નામિ
યસ્મિન્ન્ આરમસેચને ।
આ પરસ્યાઃ પરાવતઃ
સપત્નીં નાશયામસિ ॥

ત્રિંશતં ત્રીંશ્ ચ પર્વતાંશ્
ચતુરશ્ ચ ગિરીન્ અતિ ।
સપત્નીં બ્રહ્મણસ્પતે
પરો ભ્રૂણાન્ય્ અર્પયા ॥

ઉન્ માદયત મરુતઃ સમુદ્રિયા
ઉદ્ દ્યાવાપૃથિવી ઉભે ।
ઉત્ ત્વા સમુદ્ર ઋષન્તુ -
-ઉત્ ત્વામ્ અગ્નિર્ અયં દહાત્ ॥

યત્ સપત્ની સપત્ન્યા
અમુષ્યા વર્ચ આદદે ।
અધસ્તાદ્ ઉપવાદિન્ય્
અસૌ સ્યાદ્ અહમ્ ઉત્તરાત્ ॥

આ તે બધ્નામ્ય્ ઓષધિં
સપત્નીભ્યઃ પ્રચાતનીમ્ ।
યથા તે ઽસદ્ અયં પતિઃ
પુત્રાણાં તે ભવત્ પિતા ॥

યાન્ય્ ઋણાન્ય્ અનુવર્તાન્ય્ અસ્મિન્
યમસ્ય યેન બલિના ચરામિ ।
ઇદં તદ્ અગ્ને અનૃણો ભવામિ-
-ઇદં તદ્ અગ્ને અવદાનમ્ અસ્તુ ॥

યાસ્ તે સપ્ત પ્રવતો યા ઉ તિસ્રો
યાસ્ તે સન્તિ નિવતો યા અભીવતઃ ।
અર્વાવતો અષ્ટધા ત્રીણિ રોચના
તાસ્ તે અગ્ને સંમનસો ભવન્તુ
જાનન્ યમાય નિ વહા કુસીદમ્ ॥

યાસ્ ત ઊર્ધ્વાસ્ તન્વો જાતવેદો
યાસ્ તિરશ્ચીર્ ઉત યા અનૂચીઃ ।
તાભિષ્ ટ્વમ્ અગ્ને સયુજા ગૃણાનો
જાનન્ યમાય નિ વહા કુસીદમ્ ॥