પૈપ્પલાદ-સંહિતા · અધ્યાય 19.36

દીર્ઘજિહ્વા બૃહદ્વાચો
યાભિર્ આર્દ્રાણિ વાસાંસિ ।
ગાવો ઘૃતસ્ય માતરો
દિવિ ભેષજમ્ અક્રત ॥

અર્જુનીનામ્ અપચિતાં
કૃષ્ણા માતેતિ સુસ્રવ ।
મુનેર્ દેવસ્ય મૂલેન
સર્વાશ્ છિનદ્મિ તા અહમ્ ॥

છિનદ્મ્ય્ આસાં પ્રથમાં
છિનદ્મ્ય્ ઉત મધ્યમામ્ ।
અથો જઘન્યામ્ આસામ્
આ છિનદ્મિ સ્તુકામ્ ઇવ ॥

અપેહિ મનસસ્ પતે
કિમ્ અશસ્તાનિ શંસસિ ।
પરેહિ ન ત્વા કામયે
વૃક્ષાન્ વનાનિ સં ચર ॥

અવશસા નિઃશસા યત્ પરાશસા-
-ઉપારિમ યજ્ જાગ્રતો યત્ સ્વપન્તઃ ।
અગ્નિર્ વિશ્વાન્ય્ અપ દુષ્કૃતાન્ય્
અજુષ્ટાન્ય્ આરે અસ્મદ્ દધાતુ ॥

યદ્ ઇન્દ્ર બ્રહ્મણસ્પત
ઉત મૃષા ચરામસિ ।
પ્રચેતા ન આઙ્ગિરસો
દ્વિષતસ્ પાતુ તેભ્યઃ ॥

એહ મામ્ ઉત્તરં કૃધિ
સહસ્વ પૃતનાયતઃ ।
વ્ય્ અસ્મત્ કૃત્યા
વ્ય્ અસ્મચ્ છપથાઁ અજ ॥

યો નો દુધૂર્ષાન્ મનસા
યશ્ ચ પાપેન નોભ્યમાત્ ।
આકૂતિં તસ્ય દેવા
હૃદશ્ ચિત્તાનિ વિ ષ્યત ॥

અશ્વ ઇવ ધુરિ દુર્યોગઃ
પ્રતીહાય વહે દશ ।
કૃત્વાનં બ્રહ્મણસ્પતે
દંષ્ટ્રાભ્યામ્ અભિ સં જહિ ॥

યો ઽન્યા અધિ પ્રાજાયથા
મૂર્ધ્નો ઽધ્ય્ ઉદ્ અવર્ધતાઃ ।
ત્વં સપત્નચાતનો
ભ્રાતૃવ્યાઁ અવ ધૂનુષ્વ ॥

બહુર્ અયં સંગરુષ્ટો
ન્યક્તો ભૂમ્યામ્ અધિ ।
તેનાહમ્ અસ્ય કર્ત્સ્યામિ
યથા સ્થામા ગમિષ્યતિ ॥

સ્થામાગન્ બૃહદ્ અક્ષત્રઃ
સ્થામન્તાક્ષ્ણિણો ઽવ સ્યતિ ।
અન્તષ્ઠાનસ્ય યો રાજા
સ ઉત્થામ ગમિષ્યતિ ॥

અગમદ્ રાજા સદનમ્
અગમત્ સૂર્યો દિવમ્ ।
ઉદયન્ વૃત્રહન્ પ્લીહા
અઙ્ગરાજો અવીરહા ॥

યથા પન્થાં કવાપથો
અપ્યેતિ મહાપથમ્ ।
એવા ત્વં પ્લીહન્ નઃ પ્લીહિ
યતો ઽસ્ય્ અભ્યાગતઃ ॥

ઇન્દ્રેણ દત્તં બલમ્ આસુરાભ્યાં
શિતઙ્ગૈતચ્ છાલ્વતાયૈ ચ તુભ્યમ્ ।
તૌ નુદેથાં કણ્વા અશિવા અજુષ્ટા
અધા ગૃહાણાં ગૃહપા ત્વમ્ એષામ્ ॥

ત્વમ્ અગ્ને ગૃહપતિર્ ગૃહાણાં
ત્વં પ્રજાનાં જનિતાસિ દાતા ।
ત્વં નુદસ્વ કણ્વા અશિવા અજુષ્ટા
સદાન્વા નિરતઃ સેદ પાપીઃ ॥

ચર્માભ્યઃ ક્રૂરમ્ આનહ્ય
હરિણસ્ય ભિયં કૃધિ ।
મૃગાઁ અનુ પ્ર પાતય
મરીચીર્ અનુ નાશય ॥

યદ્ય્ અસ્ય્ અપ્સરાવીર્
યદિ ત્વા રક્ષો અગ્રભીત્ ।
તસ્મા અપપ્લવં હવિર્
મનસા જુહોમિ તે ॥