પૈપ્પલાદ-સંહિતા · અધ્યાય 19.34

ત્વચાપિધાને સુભગે
દત્પરિસ્તરણે કવે ।
એકામ્ ઇવ વ્રજે ગાં
પરિ ત્વા વર્ચસાસિચમ્ ॥

અગ્રેણીર્ ઇવ હંસાનાં
પ્રપશ્યન્તી પુરસ્ પથમ્ ।
જિહ્વે મા વિવ્યથો મા
યથાપૂર્વં ત્વં વદ ॥

વર્ચસ્વદ્ અહમ્ ઉદ્યાસં
બ્રહ્મરાજન્યાભ્યાં
શુદ્રાય ચાર્યાય ચ ।
યસ્મૈ ચ કામયામહે
સર્વસ્મૈ ચ વિપશ્યતે ॥

અર્વાઞ્ચૌ પાદૌ પ્ર હર-
-અર્વાચીનં મનસ્ તવ ।
અર્વાચીનસ્ય તે અતઃ
પરાઙ્ મન્યું નિ વર્તતામ્ ॥

છાગલાદે ભગવો
ઽર્વાગ્ જ્યોતે પરસ્તમઃ ।
આ ત્વા ખલજ્ઞકાદ્ અસ્માત્
પુનર્ આ વર્તયામસિ ॥

યથા વ્રીહીન્ વ્રીહિખલે
સમાકુર્વન્તિ તૂલિભિઃ ।
એવા તે વિષ્ઠિતં મનઃ
સમ્ આ કરોમિ મામ્ અભિ ॥

ત્વમ્ ઉત્તમં સુરભિષાં
માધ્યમં વહતોર્ અસિ ।
ત્વયા વધૂર્ વિ જઙ્ગહે
તં ત્વા વર્ચસ આ દદે ॥

મૂર્ધ્નસ્ તે મૂર્ધન્યેભ્યો
ઽગ્રુવઃ પતિવિત્ત્યાઃ ।
ઔક્ષં શીર્ષત આ દદે ॥

યશ્ ચ સ્વાદ્મા તે અઙ્ગેષુ
યઃ પ્રેમા હૃદયે ચ તે ।
તં ત્વદ્ આ વેશયામહે
મયિ ભ્રાજાતિ દીદ્યત્ ॥

વાતરંહા વાજિન્ ભવ યુજ્યમાન
ઇન્દ્રસ્ય યાહિ પ્રસવે મનોજવાઃ ।
યુઞ્જન્તુ ત્વા મરુતો દૈવ્યાસ
આ તે ત્વષ્ટા પત્સુ જવં દધાતુ ॥

જવસ્ તે અર્વન્ નિહિતો ગુહા
યઃ શ્યેને ચરતિ યશ્ ચ વાતે ।
તેન ત્વં વાજિન્ બલવાન્ બલેન-
-આજિઞ્ જય સમને પારયિષ્ણુઃ ॥

આસીયાને ઽધિ મનસ
આસીયાને ઽધિ ચક્ષુષઃ ।
આસીયાનસ્ય વાતાદ્ ભૂત્વા-
-આજિઞ્ જય સમને પારયિષ્ણુઃ ॥

તનૂસ્ તે વાજિન્ તન્વં વહન્તી
વામમ્ અસ્મભ્યં ધાતુ શર્મ તુભ્યમ્ ।
અહ્રુતો મહો ધરુણાય દેવા
દિવ્યમ્ ઇવ જ્યોતિઃ સ્વર્ આનમીયાઃ ॥

ઇન્દ્રો મા વક્ષદ્ અક્ષતં
વૃત્રહા યો વૃતઞ્જયઃ ।
સ મે રથં સ સારથિં
સો અશ્વાન્ સાધુ મે નયાત્ ॥

ઇન્દ્રો મા તેન નયતુ
પન્થા યો અભયઃ સુગઃ ।
દક્ષિણા પારયાતિ મા
મા રિષં સમરે યુધામ્ ॥

હૃત્સુકે પરિ ણો નમ
પારિગં તન્વે કૃધિ ।
યુયુત પર્ણિનં શરમ્
ઉતાપર્ણં રિશાદ્ ઇતિ ॥