પૈપ્પલાદ-સંહિતા · અધ્યાય 19.32

ભગેન મા શાંશપેન
સાકમ્ ઇન્દ્રેણ મેદિના ।
કૃણોમિ ભગિનં મા-
-અપ દ્રાન્ત્વ્ અરાતયઃ ॥

યો અન્ધો યઃ પુનઃસરો
ભગો વૃક્ષેષ્વ્ આર્પિતઃ ।
ભગો મે અસ્તુ શાંશપો
ઽપ દ્રાન્ત્વ્ અરાતયઃ ॥

યથા વૃક્ષાઁ અભ્યભવઃ
સાકમ્ ઇન્દ્રેણ મેદિના ।
એવા મા ભગિનં કૃણ્વ્
અપ દ્રાન્ત્વ્ અરાતયઃ ॥

અપેતો નીલલોહિતં
જાતં હિમવતસ્ પરિ ।
કીશ્મીલમ્ ઉર્વરાભ્યો
દિવો જાતમ્ અનીનશમ્ ॥

અભ્રાજ્ જાતં વર્ષાજ્ જાતમ્
અથો જાતં દિવસ્ પરિ ।
અથો સમુદ્રાદ્ જાતં
કીશ્મીલં નાશયામસિ ॥

યો નીહારાદ્ યઃ પ્રુષ્વા
યો અદ્ભ્યસ્ પરિ જાયસે ।
ગર્ભો યો વિદ્યુતામ્ અસિ
સ નઃ કીશ્મીલ મૃડય ॥

નોદેયીઃ સિકતા ઇમાઃ
સિન્ધુતસ્ પર્યાભૃતાઃ ।
તાભિર્ યમસ્ય કીશ્મીલં
સંભૃતાભિર્ અનીનશમ્ ॥

ત્વયા પૂર્વં વિભીદક
સંજિતા અસુરા હતાઃ ।
ત્વં સપત્નચાતનો
ભ્રાતૃવ્યાઁ અવ ધૂનુષ્વ ॥

વિ ભિનત્તુ વિભીદકસ્
તીક્ષ્ણશૃઙ્ગ ઇવ ઋષભઃ ।
અથો સપત્નાન્ આ દત્તામ્
અથો હન્તુ દુરસ્યતઃ ॥

વ્યવધીત્ સહમાનઃ સપત્નાન્
દ્વિષતો મે ઽધરાઁ અકઃ ।
અભ્ય્ અભૂદ્ ભૂત્યોભયામ્ ॥

ય આસ્કન્દઃ પરાસ્કન્દ
આખુઃ કકુભ આત્ ક્રિમિઃ ।
ઉપજીકાઁ ઉપક્વસાન્
તાન્ સર્વાન્ જમ્ભયામસિ ॥

અપિ નહ્યામ્ય્ આખોર્
મુઞ્જેન મુખમ્ આસ્યમ્ ।
અનદં યથા ચરાદ્
અપૈતુમ્ ઉર્વરાભ્યઃ ॥

અપિનહ્યમુખ આખુઃ
પરોક્તઃ પ્રાટ્પરાણુતઃ ।
શૃણામ્ય્ અસ્ય દન્તાન્
નિર્ અક્ષૌ પાદયામસિ ॥

અશ્વિના સારઘેન મા
મધુનાઙ્ક્ત શુભસ્પતી ।
યથા વર્ચસ્વતીં વાચમ્
આવદાનિ જનાઁ અનુ ॥

યશા અહં નિમિષતે
પ્રતિખ્યાત્રે યશા અહમ્ ।
અત્રૈમિ તદ્ યશા અહમ્
ઉત તત્ર યશા અહમ્ ॥

અસ્મૈ ચ સર્વસ્મૈ ભૂતાય
સર્વસ્મૈ ચ વિપશ્યતે ।
સર્વસ્મા ઇદ્ અહં યશાઃ ॥

અપોત્તુદાપોર્ણુહિ
યદીદમ્ અસ્તિ વા ન વા ।
વ્યન્ધ્યં વ્યલ્ગુણં ચક્ષુર્
અક્ષીભ્યાં કૃધિ ॥

અઙ્ગં હિરણ્યયં કૃત્વા
લઙ્ગલાષમ્ અર્મં ચ ।
તદ્ દેવા અપ લુમ્પત ॥

ચક્ષુષ્મન્ મે મનો અસ્તુ
ચક્ષુષ્મદ્ ધૃદયં મમ ।
ચક્ષુષ્મચ્ ચિત્તમ્ અસ્તુ મે
ચક્ષુશ્ ચક્ષુષ્મદ્ અસ્તુ મે
ચક્ષુર્ આ ધેહિ મે ઽક્ષ્યોઃ ॥