પૈપ્પલાદ-સંહિતા · અધ્યાય 19.30

યત્ ત્વા માંસે અપવવૌ
યન્ મન્થે યદ્ ઓદને ।
અગ્નિષ્ ટ્વા વિશ્વભેષજસ્
તસ્માત્ પાત્વ્ અંહસઃ ॥

યસ્ ત્વા વાત આવાત્ય્
અધરાદ્ ઉત્તરાદ્ ઉત ।
આપો યા વિશ્વશંભુવસ્
તાસ્ ત્વા પાત્વ્ અંહસઃ ॥

અપ ત્વન્ મૃત્યું નિરૃતિમ્
અપ યક્ષ્મં નિ દધ્મસિ ।
યથા ત્વમ્ અરપા અસ
ઉદોજા ઉત્તરો ભુવઃ ॥

વૈશ્વાનરો રશ્મિભિર્ નઃ પુનાતુ
વાતઃ પ્રાણેનેષિરો નભોભિઃ ।
દ્યાવાપૃથિવી પયસા પયસ્વતી
ઋતાવરી યજ્ઞિયે મા પુનીતામ્ ॥

પ્રજાપતિર્ ઋતુભિઃ પઞ્ચભિઃ
સંવત્સરો ધામભિઃ પાતુ વિશ્વૈઃ ।
ઇહૈવ પ્રાણઃ સખ્યે નો અસ્તુ
તમ્ આત્મનિ પુનર્ આ વેશયામિ ॥

વૈશ્વદેવીં સૂનૃતામ્ આ રભધ્વં
શુદ્ધા ભવન્તઃ શુચયઃ પાવકાઃ ।
તયા ગૃણન્તઃ સધમાદેષુ
વયં સ્યામ પતયો રયીણામ્ ॥

વૈશ્વાનરીં વર્ચસ આ રભધ્વં
યસ્યા આશાસ્ તન્વો વીતપૃષ્ઠાઃ ।
ઈડયેહ સધમાદં મદન્તો
જ્યોક્ પશ્યેમ સૂર્યમ્ ઉચ્ચરન્તમ્ ॥

અવત્કં મમ ભેષજમ્
અવત્કં પરિવાચનમ્ ।
નરાચ્ય્ અસિ મા તુદો
વન્વાના રોગભેષજમ્ ॥

શમ્ભુલેહમ્ ઇહા હર
તમ્ ઉ ક્ષીરા ઉદ્ અસ્યતિ ।
તદ્ આસ્રાવસ્ય ભેષજં
તદ્ ઉ રોગમ્ અનીનશત્ ॥

નદીષુ નડ્વલાસુ
કુમ્ભેષુ કલશેષુ ચ
પ્રતીષેચનભેષજમ્ ।
તત્ તે કૃણોમિ ભેષજમ્
અદ્ધિ માંસં પિબોદકં
પટ્પટિઙ્ગં વિપશ્ચલં વિ પશ્ય ॥

અવિદામ યદ્ ઐચ્છામ
પિશાચક્ષયણં હવિઃ ।
તેન ક્રવ્યાદો હન્મઃ
સર્વાશ્ ચ યાતુધાન્યાઃ ॥

ઇચ્છન્તિ ત્વા પદાતય
ઇચ્છન્તિ રથિનસ્ ત્વા ।
ક્રીણન્તિ ગોભિર્ અશ્વૈર્
અમૃતસ્યેવ વા અસિ ॥

અમમ્રિ નામ ભેષજં
પૃથિવ્યા અધ્ય્ ઉદ્ભૃતમ્ ।
વક્તા તન્ મહ્યમ્ અબ્રવીદ્
ઇદં હ પારયાદ્ ઇતિ ॥

ચક્ષુર્ અસિ પુરુષસ્ય
ચક્ષુર્ ગોશ્ ચક્ષુર્ અર્વતઃ ।
ચક્ષુર્ ભૂતસ્ય ભવ્યસ્ય
ચક્ષુર્ અપ્સરસામ્ અસિ ॥

ચક્ષુર્ અસિ સુપર્ણસ્ય
ચક્ષુર્ અહેર્ અથો શુનઃ ।
ચક્ષુઃ સર્વસ્ય પશ્યતો
ઽથો યદ્ વિશ્વમ્ એજતિ ॥

આદદાનં સહસ્રાક્ષં
પ્રતિસ્પાશનમ્ અબ્રુવમ્ ।
દર્શય મા યાતુધાનાન્
દર્શય યાતુધાન્યાઃ ॥