પૈપ્પલાદ-સંહિતા · અધ્યાય 19.29

અગ્ની રક્ષોહા તિગ્મસ્ તિગ્મશૃઙ્ગો
હન્તુ રક્ષો નુદતામ્ અરાતિમ્ ।
અપાઘશંસમ્ અસ્યતુ ॥

આ ત એતુ પરાવતો
બલમ્ ઓજો દિવસ્ પરિ ।
આ ગિરિભ્યઃ પર્વતેભ્ય
આયુષ્ ટે વિશ્વતો દધત્ ॥

પુનસ્ તે ઽસું પૃથિવી દદાતુ
પુનર્ દ્યૌર્ દેવો પુનર્ અન્તરિક્ષમ્ ।
પુનસ્ તે સોમસ્ તન્વં દધાતુ
પુનઃ પૂષા પથ્યાં યા સ્વસ્તિઃ ॥

કષ્કિષા કષ્પિષા
યેવાષા એષા ।
ઇષ્ટર્ગવ ઇષયન્તઃ
સૈકતાઃ પાંસવાઃ ॥

અદૃષ્ટાન્ ન દૃષ્ટાન્ ।
દૃષ્ટાઁ અદૃષ્ટાન્ ધનપતે
જહીન્દ્રસ્ય વધેન ॥

એતાશ્ ચ વિશ્વરૂપાશ્ ચ
ગૃધ્રાઃ કોકાશ્ ચ તે હતાઃ ॥

કામે કામયસ્વ મા
પ્રતીચી પ્રતિ મા ભવ ।
મામ્ અનુ પ્ર તે મનો
વત્સા પાકેવ ધાવતુ ॥

અભીલે અભિમાદન્ય્
અસૌ મામ્ અભિ માદ્યતુ ।
વિદ્મ પતત્રિણ્યા વયમ્
ઇષુકે નામકં તવ ॥

અહં તે મન આ દદે
મનો મનોમુષિર્ યથા ।
મયિ તે મન આહિતં
રથ ઇવ રથવાહને ॥

ઉદ્ અસૌ સૂર્યો અગાન્
મહ્યમ્ અવતુના સહ ।
અહં વિશાં પુરોહિતો
મધુહસ્તો મધુજિહ્વો
મયિ વાગ્ અસ્તુ ધર્ણસી ॥

અહં વિશ્યેન કેતુના
સમક્ષ્યે માનુષેષ્વ્ આ ।
અસ્માકમ્ અસ્તુ કેવલં બૃહદ્
દિશો અધિ વિશ્વેષુ રાજસુ ॥

સ્વાદોશ્ ચિન્ મા સ્વાદીયાંસં
મધોશ્ ચિન્ મધુમત્તરમ્ ।
પ્રિયાશ્ ચિત્ સખ્યુર્ અન્તરમ્
આદિત્યાસઃ કૃણોત મા ॥

અગ્ને બ્રહ્મ ત્વં બ્રહ્માસિ
વિદ્ધિ ત્વં પ્રાસ્મભ્યં બ્રૂહિ ।
યદીદં તથા ભવિષ્યસિ યદિ વા
નાથૈતસ્ય હવિષો વીહ સ્વાહા ॥

વિ પૃચ્છે દ્યાવાપૃથિવી
વીન્દ્રં વિ બૃહસ્પતિમ્ ।
વિ દેવાન્ યજ્ઞિયાન્ પૃચ્છે
વ્ય્ અસં જીવનાય કમ્ ॥

વિજ્ઞાનાયોદ્યતા પ્રસ્તુતા સ્રુગ્ ઇયં
યમ રાજન્ હવિર્ ઇદં જુષસ્વ ।
અગતાસોર્ હવિષો માદયસ્વ
નિરૃતિં ગચ્છતુ યદ્ ગતાસોઃ ॥