પૈપ્પલાદ-સંહિતા · અધ્યાય 19.28

યસ્યેદમ્ આ રજો યુજસ્
તુજે જનં વનં સ્વઃ ।
ઇન્દ્રસ્ય નાધૃષે શવઃ ॥

ધૃષાણં ધૃષતઃ શવઃ
પુરા યથાયતિષ્ઠન્ ।
ઇન્દ્રસ્ય રન્ત્યં મહત્ ॥

સ નો દધાતુ તં રયિં
પુરું પિશઙ્ગપેશસમ્ ।
ઇન્દ્રઃ પતિસ્ તુવિષ્ટમો જનેષ્વ્ આ ॥

આયુર્ અગ્ન ઇહા વહ
જાતવેદસ્ તનૂવશિન્ ।
યથાહં જ્યોગ્ ઇહાસાનિ
પ્રજાનામ્ અધિપા વશી ॥

આયુર્ ઇન્દ્રો દધાતુ મ
આયુર્ દેવો બૃહસ્પતિઃ ।
આયુર્ મે વિશ્વે દેવા
અહોરાત્રે ચ ચક્રતુઃ ॥

આયુર્ આયુષ્યા પવતાં
પ્રાણં પ્રાણો દધાતુ મે ।
દેવા યચ્ ચક્રુર્ દેવેભ્યઃ
સ્વર્ યન્તો યથાયથમ્ ॥

ઉત્પતન્તુ નભસ્વતીઃ
સમુદ્રાદ્ અધિ ઘોષિણીઃ ।
ઉત્સ્યાઃ સમુદ્રિયા અપસ્
તાભિષ્ ટ્વા તર્પયામસિ ॥

યા આપો દિવ્યા
યા વાતાત્ પરિજજ્ઞિરે ।
ઇન્દ્રો મરુત્વાંસ્ તૃપ્તાત્મા
તાભિષ્ ટ્વા તર્પયામસિ ॥

યાઃ શુષ્કા યા હરિણીર્
યા ભૂમિમ્ અનુવાવૃધુઃ ।
સર્વાઃ સમગ્રા ઓષધીસ્
તાભિષ્ ટ્વા તર્પયામસિ ॥

આ નો મેધા સુમતિર્ વિશ્વરૂપા
ગિરો બૃહતીર્ આવેશયન્તી ।
ઋચો મે બહ્વીર્ ન્ય્ અનક્તુ ગા ઇવ
યથાસામ ભુવનેષુ કર્ણિનઃ ॥

દીક્ષા તપો મનસો માતરિશ્વા
બૃહસ્પતિર્ વાચો અસ્યાઃ સ યોનિઃ ।
વેદાંસિ વિદ્યા મયિ સન્તુ બહ્વીર્
અગ્નીષોમા યશો અસ્માસુ ધત્તમ્ ॥

યદ્ અગ્ને તપસા તપ
ઉપપ્રેક્ષામહે વયમ્ ।
પ્રિયાઃ શ્રુતસ્ય ભૂયાસ્મ-
-આયુષ્મન્તઃ સુમેધસઃ ॥

યસ્ ત્વા માતુર્ ઉત વા પિતુઃ
પરિજાયમાનમ્ અભિસંબભૂવ ।
તં ત્વદ્ યક્ષ્મમ્ અધિ નાશયામઃ
સો ઽન્યસ્મિં છ્રયાતૈ પ્રવિષ્ટઃ ॥

યસ્ તે યક્ષ્મો હૃદયેષ્ઠો
નાભિષ્ઠા ઉદરંગમઃ ।
અથો યઃ શિશ્રિયે પરૌ
તં ત્વદ્ યક્ષ્મમ્ અધિ નાશયામઃ
સો ઽન્યસ્મિં છ્રયાતૈ પ્રવિષ્ટઃ ॥

શીર્ષરોગમ્ અઙ્ગરોગં
સ્નાવબૃહમ્ અભિશાચિં વિસલ્પકમ્ ।
યસ્ તે યક્ષ્મો મજ્જસુ પરુઃસુ યો ગુદાસુ
તં ત્વદ્ યક્ષ્મમ્ અધિ નાશયામઃ
સો ઽન્યસ્મિં છ્રયાતૈ પ્રવિષ્ટઃ ॥