પૈપ્પલાદ-સંહિતા · અધ્યાય 19.18

યાસ્ તે હિરા ધમનયો
ઽઙ્ગાન્ય્ અનુ વિષ્ઠિતાઃ ।
તાસાં તે સર્વાસાં સાકં
નિર્ વિષાણિ હ્વયામસિ ॥

યાં તે રુદ્ર ઇષુમ્ આસ્થદ્
અઙ્ગેભ્યો હૃદયાય ચ ।
ઇમાં તામ્ અદ્ય તે વયં
વિષૂચીં વિ વૃહામસિ ॥

નમસ્ તે રુદ્રાસ્યતે
નમઃ પ્રતિહિતાભ્યઃ ।
નમો વિસૃજ્યમાનાભ્યો
નમસ્ ત આયતાભ્યઃ ॥

અવાચીઃ પરિ મૂર્ધ્નો
યાસ્ તે ધમનયઃ શતમ્ ।
તાસ્ તે પ્ર ભિદ્યન્તાં
પૃથગ્ અનુ ત્યં લોહિતાવટમ્ ॥

સ્યન્દન્તાં રોદનાવતીર્
અનુ ત્યં લોહિતાવટમ્ ।
યથાસ્યામ્ અન્તર્ ન રંસન્તામ્
અનુકૂલમ્ ઇવોદકમ્ ॥

પ્રતીચીનઃ સૂર્ય એતુ
પ્રતીચીઃ સ્રવતઃ કૃતાઃ ।
અવાચીસ્ તે અસ્નઃ કુલ્યા
ઇયં તૃણત્ત્વ્ ઓષધીઃ ॥

ઇમં યવમ્ અષ્ટાયોગૈઃ
ષડ્યોગેભિર્ અચર્કૃષુઃ ।
સ ઘા તે તન્વો રપઃ
પ્રતીચીનમ્ અપ વ્યયત્ ॥

ન્યગ્ વાતો વાતિ
ન્યક્ તપતિ સૂર્યઃ ।
નીચીનમ્ અઘ્ન્યા દુહે
ન્યગ્ ભવતુ તે રપઃ ॥

આપ ઇદ્ વા ઉ ભેષજીર્
આપો અમીવચાતનીઃ ।
આપઃ સમુદ્રાર્થા યતીઃ
પરા વહન્તુ તે રપઃ ॥

અમી યે યુધમ્ આયન્તિ
કેતૂન્ કૃત્વાનીકશઃ ।
ઇન્દ્રસ્ તાન્ પર્ય્ અહાર્ દામ્ના
તાન્ અગ્ને સન્દ્યા ત્વમ્ ॥

યાવતીઃ સિચ આયન્ત્ય્
અનીકાનિ યતિ ષ્ટન્ ।
ઇન્દ્રસ્ તાન્ પર્ય્ અહાર્ દામ્ના
તાન્ અગ્ને સન્દ્યા ત્વમ્ ॥

સં પરમાન્ સમ્ અવમાન્
અથો સન્દ્યાનિ મધ્યમાન્ ।
ઇન્દ્રસ્ તાન્ પર્ય્ અહાર્ દામ્ના
તાન્ અગ્ને સન્દ્યા ત્વમ્ ॥

સન્દાનં વો બૃહસ્પતિઃ
સન્દાનં સવિતા કરત્ ।
સન્દાનમ્ ઇન્દ્રશ્ ચાગ્નિશ્ ચ
સન્દાનં ભગો અશ્વિના ॥

યાસ્ તે રુચો દેવ સૂર્ય -
-ઉદ્યતો દિવ્ય્ આતતાઃ ।
તાભિર્ મામ્ અદ્ય સર્વાભિર્
મનુષ્યેભ્યો રુચે કૃણુ ॥

રુચે મા ધેહિ બ્રહ્મસુ
રુચે રાજસુ ધેહિ મા ।
રુચે વિશ્યેષુ શૂદ્રેષુ
મયિ ધેહિ રુચે રુચિમ્ ॥

યા રુચો હિરણ્યે
યા અગ્નૌ યાશ્ ચ સૂર્યે ।
ઇન્દ્રાગ્ની મયિ તા રુચો
રુચો ધેહિ બૃહસ્પતે ॥