પૈપ્પલાદ-સંહિતા · અધ્યાય 19.15

સં જાનતાં મનસા સં ચિકિત્વા
મા યુત્સત મન્યુના દૈવ્યેન ।
મા ઘોષ ઉત્થાદ્ બહુલે
વિનિર્હતે મેષુઃ પપ્તદ્
ઇન્દ્રસ્યાહન્ય્ આગતે ॥

સં વો મનાંસિ સં વ્રતા
સમ્ આકૂતીર્ નયામસિ ।
ઇમે યે વિવ્રતા સ્થ
તાન્ વઃ સં જ્ઞપયામસિ ॥

સંજ્ઞપનં વો મનસો
અથો સં જ્ઞપનં હૃદઃ ।
અથો ભગસ્ય યચ્ છ્રાન્તં
તેન સં જ્ઞપયાતિ વઃ ॥

સં વઃ પૃચ્યન્તાં તન્વઃ
સં મનાંસિ સમ્ ઉ ત્વચઃ ।
સં વો બ્રહ્મણસ્પતિઃ
સોમઃ સં જ્ઞપયાતિ વઃ ॥

સંજ્ઞાનં નઃ સ્વેભ્યઃ
સંજ્ઞાનમ્ અરણેભ્યઃ ।
સંજ્ઞાનમ્ અશ્વિના યુવમ્
ઇહાસ્માસુ નિ યચ્છતમ્ ॥

યથાદિત્યા વસવઃ સંબભૂવુર્
મરુદ્ભિર્ ઉગ્રા અહૃણીયમાનાઃ ।
એવા ત્રિણામન્ન્ અહૃણીયમાન
ઇમં જનં સંમનસં કૃણુ ત્વમ્ ॥

નિર્ અમુન્ નુદ ઓકસઃ
સપત્નો યઃ પૃતન્યતિ ।
નિર્બાધ્યેન હવિષા-
-ઇન્દ્ર એનં પરાશરીત્ ॥

ઇહિ તિસ્રઃ પરાવત
ઇહિ પઞ્ચ જનાઁ અતિ ।
ઇહિ સપ્તાતિ રોચના
યાવત્ સૂર્યો અસદ્ દિવિ ॥

પરમાં ત્વા પરાવતમ્
ઇન્દ્રો દેવો અજીગમત્ ।
યથા ન પુનર્ આયસિ
શશ્વતીભ્યઃ સમાભ્યઃ ॥

પ્રતીચીનફલો હિ ત્વમ્
અપામાર્ગ બભૂવિથ ।
સર્વાન્ મચ્ છપથાઁ અધિ
વરીયો યાવયા ત્વમ્ ॥

યચ્ ચ ભ્રાતૃવ્યઃ શપતિ
યચ્ ચ જામિઃ શપાતિ નઃ ।
બ્રહ્મા યન્ મન્યુતઃ શપાત્
સર્વં તન્ નો અધસ્પદમ્ ॥

અઘદ્વિષ્ટા દેવજૂતા
વીરુચ્ છપથયાવની ।
ઉદ્ના મલમ્ ઇવાવાનૈક્
સર્વાન્ મચ્ છપથાઁ અધિ ॥

યદ્ એનં પરિષીદન્તિ
સમાદધતિ ચક્ષસે ।
સંપ્રેદ્ધો અગ્નિર્ જિહ્વાભિર્
ઉદ્ એતિ હૃદયાદ્ અધિ ॥

અગ્નેઃ સાન્તપનસ્યાહમ્
આયુષે પદમ્ આ રભે ।
અદ્ધાતિર્ યસ્ય પશ્યતિ
ધૂમમ્ ઉદ્યન્તમ્ આસ્યતઃ ॥

યો અસ્ય સમિધં વેદ
ક્ષત્રિયેણ સમાહિતામ્ ।
નાભિહ્વારે પદં
નિ દધાતિ સ મૃત્યવે ॥

નૈનં ઘ્નન્તિ પર્યાયિણો
ન સન્નાઁ અવ ગચ્છતિ ।
અગ્નેર્ યઃ ક્ષત્રિયો વિદ્વાન્
નામ ગૃહ્ણાત્ય્ આયુષે ॥