પૈપ્પલાદ-સંહિતા · અધ્યાય 19.14

યથાયં વાહો અશ્વિના
સમૈતિ સં ચ વર્તતે ।
એવા મામ્ અભિ તે મનઃ
સમૈતુ સં ચ વર્તતામ્ ॥

અહં ખિદામિ તે મનો
રાજાશ્વઃ પૃષ્ટ્યામ્ ઇવ ।
રેષ્મચ્છિન્નં યથા તૃણં
મયિ તે વેષ્ટતાં મનઃ ॥

આઞ્જનસ્ય મધુઘસ્ય
કુષ્ઠસ્ય નલદસ્ય ચ ।
તુરો ભગસ્ય હસ્તાભ્યામ્
અનુરોધનમ્ આ ભરે ॥

અયમ્ આ યાત્ય્ અર્યમા
પુરસ્તાદ્ વિષિતસ્તુકઃ ।
સ ઇચ્છાદ્ અગ્રુવૈ પતિમ્
અથો જાયામ્ અજાનયે ॥

અશ્રમદ્ ઇયમ્ અર્યમન્ન્
અન્યાસાં સમનં યતી ।
અઙ્ગો ન્વ્ અસ્યા અર્યમન્ન્
અન્યા સમનમ્ આયતિ ॥

ધાતા દાધાર પૃથિવીં
ધાતા દ્યામ્ ઉત સૂર્યમ્ ।
ધાતાસ્યા અગ્રુવૈ પતિં
દધાતુ પ્રતિકામ્યમ્ ॥

મહ્યમ્ આપો મધુમદ્ એરયન્ત
મહ્યં સૂર્યો અભરજ્ જ્યોતિષા કમ્ ।
મહ્યં દેવા ઉત વિશ્વે તપોજા
મહ્યં દેવઃ સવિતા વ્યચો ધાત્ ॥

અહં દાધાર પૃથિવીમ્ ઉત દ્યામ્
અહં સિન્ધૂન્ અજનં સપ્ત સાકમ્ ।
અહં સત્યમ્ અનૃતં યદ્ વદામ્ય્
અહં વાચં પરિ સર્વામ્ ઇષિં ચ ॥

અહં વિવ્યજ્મિ પૃથિવીમ્ ઉત દ્યામ્
અહમ્ ઋતૂન્ અસૃજે સપ્ત સાકમ્ ।
અહં વાચં પરિ સર્વાં બભૂવ
યો અગ્નીષોમાવ્ અજુષે સખાયૌ ॥

અનડુદ્ભ્યો નઃ પ્રથમં
ધેનુભ્યસ્ ત્વમ્ અરુન્ધતિ ।
અધેનવે વયસે
શર્મ યચ્છ ચતુષ્પદે ॥

શર્મ યચ્છાત્ય્ ઓષધિઃ
સહ દેવૈર્ અરુન્ધતી ।
કરત્ પયસ્વન્તં ગોષ્ઠમ્
અયક્ષ્માઁ ઉત પૂરુષાન્ ॥

વિશ્વરૂપાં સુભગામ્
અચ્છા વદામિ જીવલામ્ ।
સા નો રુદ્રસ્યાસ્તાં હેતિં
દૂરં નયતુ ગોભ્યઃ ॥

યમો મૃત્યુર્ અઘમારો નિરૃથો
ભવઃ શર્વો અસ્તા નીલશિખણ્ડી ।
દેવજનાઃ સેનામ્ ઉત્તસ્થિવાંસસ્
તે અસ્માકં પરિ વૃઞ્જન્તુ વીરાન્ ॥

મનસા હોમૈર્ હરસા ઘૃતેન
શર્વાયાસ્ત્ર ઉત રાજ્ઞે ભવાય ।
નમસ્યેભ્યો નમ એભ્યઃ કૃણોમ્ય્
અન્યત્રાસ્મદ્ અઘવિષા નયન્તુ ॥

ત્રાયધ્વં નો અઘવિષાભ્યો વધાદ્
અગ્નીષોમા મરુતઃ પૂતદક્ષાઃ ।
વિશ્વે દેવા મરુતો વૈશ્વદેવા
વાતાપર્જન્યયોઃ સુમતૌ સ્યામ ॥