પૈપ્પલાદ-સંહિતા · અધ્યાય 18.79

એતત્ તે દેવઃ સવિતા
વાસો દદાતુ ભર્તવે ।
તત્ ત્વં યમસ્ય રાજ્યે
વસાનસ્ તાર્પ્યં ચર ॥

ધાના ધેનુર્ ભવદ્ વત્સો
અસ્યાસ્ તિલો ઽભવત્ ।
તાં ત્વં યમસ્ય રાજ્યે
+ઽક્ષિતામ્ ઉપ જીવતાત્ ॥

એતાસ્ તે અસૌ ધાનાઃ
કામદુઘા ભવન્તુ ।
એનીઃ શ્યેનીર્ વિરૂપાઃ સરૂપાસ્
તિલવત્સા ઉપ તિષ્ઠન્તુ ત્વાત્ ॥

એનીર્ ધાના હરિણીઃ શ્યેનીર્ આસુ
કૃષ્ણા ધાના હરિણીર્ ધેનવસ્ તે ।
તિલવત્સા ઊર્જમ્ અસ્મૈ દુહાના
વિશ્વહા સન્ત્વ્ અનપસ્ફુરન્તીઃ ॥

વૈશ્વાનરે હવિર્ ઇદં જુહોમ્ય્
એતં સાહસ્રં શતધારમ્ ઉત્સમ્ ।
સ બિભરત્ પિતરં પિતામહં
પ્રપિતામહાન્ બિભરત્ પિન્વમાનઃ ॥

ઉત્સં શતધારમ્ અક્ષિતં
વ્યચમાનં સલિલસ્ય પૃષ્ઠે ।
ઊર્જં દુહાનમ્ અનપસ્ફુરન્તમ્
ઉપાસતાં સુકૃતાં યત્ર લોકઃ ॥

ઇદં કસામ્બુ ચયનેન ચિત્તં
તત્ સજાતા અવ પશ્યતેત ।
મર્ત્યો અમૃત્યુમ્ અમૃતત્વ એતિ
તસ્મૈ લોકં કૃણુત યાવત્સબન્ધુ ॥

ઇહૈવૈધિ ધનસનિર્
ઇહ ચિત્ત ઇહક્રતુઃ ।
ઇહૈધિ વીરવત્તરો
વયોધા અપરાહિતઃ ॥

પુત્રાન્ પૌત્રાન્ અભિ તર્પયન્તીર્
આપો મધુમતીર્ ઇમાઃ ।
સ્વધાં પિતૃભ્યો અંર્તં દુહાના
આપો દેવીર્ ઉભયાંસ્ તર્પયન્તુ ॥

આપો અગ્નિં પ્ર હિણુતેમં
યજ્ઞં પિતરો નો જુષન્તામ્ ।
માસીનામ્ ઊર્જમ્ ઉપ યે સચન્તે
તે નો રયિં સર્વવીરં નિ યચ્છાન્ ॥