પૈપ્પલાદ-સંહિતા · અધ્યાય 18.80

સમ્ ઇન્ધતે અમર્ત્યં
હવ્યવાહં ઘૃતપ્રિયમ્ ।
સ વેદ નિહિતાન્ નિધીન્
પિતૄન્ પરાવતો ગતાન્ ॥

યં તે મન્થં યં કલમ્ભં
યમ્ ઓદનં યન્ માસં નિપૃણામિ તે ।
તે તે સન્તુ સ્વધાવન્તો
મધમન્તો ઘૃતશ્ચુતઃ ॥

સરસ્વતીં યાં સુકૃતો હવન્તે
દક્ષિણા યજ્ઞમ્ અભિનક્ષમાણાઃ ।
સહસ્રાયોર્ મૈનાન્ અત્ર પરા દા
દીર્ઘમ્ એષામ્ આયુષ્ કૃણુ વિશ્વરૂપે ॥

ઇદં પૂર્વમ્ અપરં નિયાનં
યેન તે પૂર્વે પિતરઃ પરેતાઃ ।
પુરોગવા યે અભિશાચો અસ્ય
તે ત્વા વહન્તુ સુકૃતામ્ ઉલોકમ્ ॥

પૃથિવીં ત્વા પૃથિવ્યામ્ આ વેશયામિ
દેવો નો ધાતા સવિતાત્ય્ આયુઃ ।
પરાપુરૈતા વસુવિદ્ વો અસ્ત્વ્
અધા મૃતૈઃ પિતરઃ સં ભવાથ ॥

એયમ્ અગન્ દક્ષિણા ભદ્રતો નો
અનેન દત્તા સુદુઘા વયોધાઃ ।
યૌવને જીવાઁ અપિ પૃઞ્ચતી જરા
પરા પિતૃભ્ય ઉપ સં પરાણયાત્ ॥

આ પ્ર ચ્યવેથામ્ અપ તં નુદેથાં
યદ્ વામ્ અભિભા અત્રોદુઃ ।
અર્વાઞ્ ચાવેતમ્ અઘ્ન્યૌ તદ્ વશીયો
દાત્રે પિતૃષ્વ્ ઇહ ભોજનૌ મમ ॥

ઇદં પિતૃભ્યઃ પ્ર હરામિ બર્હિર્
જીવં દેવેભ્ય ઉત્તરં સ્તૃણામિ ।
તદ્ આ રોહ પુરુષો મેધ્યો ભવન્
પ્રતિ ત્વ જાનન્તુ પિતરઃ પરેતમ્ ॥

એવં બર્હિર્ અસદો મેધ્યો ભવન્
પ્રતિ ત્વ જાનન્તુ પિતરઃ પરેતમ્ ।
યથાપરુ તન્વં સં ભરસ્વ
ગાત્રાણિ તે બ્રહ્મણા કલ્પયામિ ॥

પર્ણો રાજાપિધાનં ચરૂણામ્
ઊર્જો બલં સહ ઓજો ન આગન્ ।
આયુર્ જીવેભ્યો વિદધદ્
દીર્ઘયુત્વાય શતશારદાય ॥