પૈપ્પલાદ-સંહિતા · અધ્યાય 18.74

યે સત્યાસો હવિરદો હવિષ્યા
ઇન્દ્રેણ દેવૈઃ સરથં દધાનાઃ ।
આગ્ને યાહિ સહસ્રં દેવવન્દૈઃ
પરૈઃ પૂર્વૈઃ પિતૃભિર્ ઘર્મસદ્ભિઃ ॥

ઉપ સર્પ માતરં ભૂમિમ્ એતામ્
ઉરુવ્યચસં પૃથિવીં સુશેવામ્ ।
ઊર્ણમ્રદાઃ પૃથિવી દક્ષિણાવત
એષા ત્વા પાતુ નિરૃતેર્ ઉપસ્થાત્ ॥

ઉચ્ છ્વઞ્ચસ્વ પૃથિવિ મા નિ બાધથાઃ
સૂપાયનાસ્મૈ ભવ સૂપવઞ્ચના ।
માતા પુત્રં યથા સિચા-
-અભ્ય્ એનં ભૂમ ઊર્ણુહિ ॥

ઉચ્છ્વઞ્ચમાના પૃથિવી સુ તિષ્ઠતુ
સહસ્રં મિત ઉપ હિ શ્રયન્તામ્ ।
તે ગૃહાસો ઘૃતશ્ચુતઃ સ્યોના
વિશ્વાહાસ્મૈ શરણાઃ સન્ત્વ્ અત્ર ॥

ઉત્ તે સ્તભ્નાતિ પૃથિવીં ત્વત્ પરિ-
-ઇમં લોકં વિદધન્ મો અહર્ષમ્ ।
એતાં સ્થૂણાં પિતરો ધારયન્ત્વ્
અત્રા યમઃ સદના તે કૃણોતુ ॥

અથર્વા પૂર્ણં ચમસં
યમ્ ઇન્દ્રાયાબિભર્ વાજિનીવતે ।
તસ્મિન્ કૃણોતુ સુકૃતસ્ય લોકં
તસ્મિન્ન્ ઇન્દુઃ પવતે વિશ્વદાનીમ્ ॥

અમુમ્ અગ્ને ચમસં મા વિ જિજ્ઞરઃ
પ્રિયો દેવાનામ્ ઉપ સોમ્યાનામ્ ।
એષ યશ્ ચમસો દેવપાનસ્
તસ્મિન્ન્ એવા અમૃતા માદયન્તે ॥

યત્ તે કૃષ્ણઃ શકુન આતુતોદ
પિપીલઃ સર્પ ઉત વા શ્વાપદઃ ।
અગ્નિષ્ ટદ્ વિશ્વાદ્ આ પૃણાતુ વિદ્વાન્
સોમશ્ ચા યો બ્રાહ્મણાઁ આવિવેશ ॥

પયસ્વતીર્ ઓષધયઃ
પયસ્વાન્ મામકં વચઃ ।
અથો પયસ્વદ્ યત્ પયસ્
તેન મા સહ જિન્વથ ॥

ઇમા નરીત્ય્ એકા ॥