પૈપ્પલાદ-સંહિતા · અધ્યાય 18.73

ઇતશ્ ચામુતશ્ ચાવતં
યમે ઇવ યતમાને યદ્ ઐતમ્ ।
પ્ર વાં ભરન્ માનુષી દેવયન્ત ॥

આ સીદતં સ્વમ્ ઉલોકં વિદાને
સ્વાસસ્થે ભવતમ્ ઇન્દવે નઃ ।
યુજે વાં બ્રહ્મ પૂર્વ્યં નમોભિર્
વિ શ્લોક એતિ પથ્યેવ સૂરેઃ ॥

શૃણ્વન્તુ વિશ્વે અમૃતસ્ય પુત્રા
આ યે ધામાનિ દિવ્યાનિ તસ્થુઃ ।
ત્રીણિ પદાનિ રુપો અન્વ્ અરોહં
ચતુષ્પદીમ્ અન્વ્ એમિ વ્રતેન ॥

અક્ષરેણ પ્રતિ મિમ એતામ્
ઋતસ્ય નાભાવ્ અધિ સં પૂનામિ ।
દેવેભ્યઃ કમ્ અવૃણીત મૃત્યું
પ્રજાયૈ કમ્ અમૃતં નાવૃણીત ॥

બૃહસ્પતિં યજ્ઞાઁ અકૃણ્વત ર્ષિં
પ્રિયાં યમસ્ તન્વં પ્રા રિરેખ ।
ત્વમ્ અગ્ન ઈડિતો જાતવેદો
અવાડ્ ઢવ્યાની સુરભીણિ કૃત્વી ।
પ્રાદાઃ પિતૃભ્યઃ સ્વધયા તે અક્ષન્ન્
અદ્ધિ ત્વં દેવ પ્રયતા હવીંષિ ॥

આસીનાસો અરુણીનામ્ ઉપસ્થે
રયિં ધત્ત દાશુષે મર્ત્યાય ।
પુત્રેભ્યઃ પિતરસ્ તસ્ય વસ્વઃ
પ્ર યચ્છત ત ઇહોર્જં દધાત ॥

અગ્નિષ્વત્તાઃ પિતર એહ ગચ્છત
સદઃસદઃ સદત સુપ્રણીતયઃ ।
અત્તા હવીંષિ પ્રયતાનિ બર્હિષિ
રયિં ચ નઃ સર્વવીરં દધાત ॥

ઉપહૂતાઃ પિતરઃ સોમ્યાસો
બર્હિષ્વ્ એષુ નિધિષુ પ્રિયેષુ ।
ત આ ગમન્તુ ત ઇહ શ્રુવન્ત્વ્
અધિ બ્રુવન્તુ તે ઽવન્ત્વ્ અસ્માન્ ॥

યે નઃ પૂર્વે પિતરઃ સોમ્યાસો
અનૂહિરે સોમપીથં વસિસ્થાઃ ।
તેભિર્ યમઃ સંરરાણો હવીંષ્ય્
ઉશન્ન્ ઉશદ્ભિઃ પ્રતિકામમ્ અત્તુ ॥

યે તાતૃષુર્ દેવત્રા જીહમાના
હોત્રાવિદ સ્તોમતષ્ટાસો અર્કૈઃ ।
આગ્ને યાહિ સુવિદત્ર્યેભિર્ અર્વાક્
સત્યૈઃ કવ્યૈઃ પિતૃભિર્ ઘર્મસદ્ભિઃ ॥