પૈપ્પલાદ-સંહિતા · અધ્યાય 18.7

તુભ્યમ્ અગ્રે પર્ય્ અવહન્
સૂર્યાં વહતુના સહ ।
પુનઃ પતિભ્યો જાયાં દા
અગ્ને પ્રજયા સહ ॥

પુનઃ પત્નીમ્ અગ્નિર્ અદાદ્
આયુષા સહ વર્ચસા ।
દીર્ઘાયુર્ અસ્યા યઃ પતિર્
જીવાતિ શરદઃ શતમ્ ॥

સોમસ્ય જાયા પ્રથમં
ગન્ધર્વસ્ તે ઽપરઃ પતિઃ ।
તૃતીયો અગ્નિષ્ ટે પતિસ્
તુરીયસ્ તે મનુષ્યજાઃ ॥

સોમો દદદ્ ગન્ધર્વાય
ગન્ધર્વો દદદ્ અગ્નયે ।
રયિં ચ પુત્રાંશ્ ચાદાદ્
અગ્નિર્ મહ્યમ્ અથો ઇમામ્ ॥

આ વામ્ અગન્ સુમતિર્ વાજિનીવસૂ
ન્ય્ અશ્વિના હૃત્સુ કામા અરંસત ।
અભૂતં ગોપા મિથુના શુભસ્પતી
પ્રિયા અર્યમ્ણો દુર્યાઁ અશીમહિ ॥

સા મન્દસાના મનસા શિવેન
રયિં ધેહિ સર્વવીરં વચસ્યમ્ ।
સુગં તીર્થં સુપ્રપાણં શુભસ્પતી
સ્થાણું પથિષ્ઠામ્ અપ દુર્મતિં હતમ્ ॥

અપ રક્ષાંસ્ય્ અપ દુર્મતિં હતં
શુભસ્પતી વહતોર્ યાતો અસ્માત્ ।
પુરોગવો જયન્ રક્ષાંસ્ય્ અગ્ને
ક્ષેત્રવિત્ પૂર્વો વિ મૃધો નુદસ્વ ॥

યા ઓષધયો યા નદ્યો
યાનિ ક્ષેત્રાણિ યા વના ।
તે ત્વા વધુ પ્રજાવતીં
પત્યે રક્ષન્તુ રક્ષસઃ ॥

એમં પન્થામ્ અગન્મ
સુગં સ્વસ્તિવાહનમ્ ।
યત્ર વીરો ન રિષ્યત્ય્
અન્યેષાં વિન્દતે વસુ ॥

ઇદં સુ મે નરઃ શૃણુત
યયાશિષા દમ્પતી વામમ્ અશ્નુતઃ ।
યે ગન્ધર્વા અપ્સરસશ્ ચ દેવીર્
એષુ વાનસ્પત્યેષ્વ્ અદ્યાધિ તસ્થુઃ ।
સ્યોનાસ્ તે અસ્યૈ વધ્વૈ ભવન્તુ
મા હિંસિષુર્ વહતુમ્ ઉહ્યમાનમ્ ॥