પૈપ્પલાદ-સંહિતા · અધ્યાય 18.8

યે વધ્વશ્ ચન્દ્રં વહતું
યક્ષ્મા યન્તિ જનાઁ અનુ ।
પુનસ્ તાન્ યજ્ઞિયા દેવા
નયન્તુ યત આગતાઃ ॥

મા વિદન્ પર્યાયિણો
ય આસીદન્તિ દમ્પતી ।
સુગેન દુર્ગમ્ અતીતામ્
અપ દ્રાન્ત્વ્ અરાતયઃ ॥

સં કાશયામિ વહતું બ્રહ્મણા ગૃહૈર્
અઘોરેણ ચક્ષુષા મિત્ર્યેણ ।
પર્યાણદ્ધં વિશ્વરૂપં યદ્ અસ્મિન્
સ્યોનં પતિભ્યઃ સવિતા કૃણોતુ તત્ ॥

શિવા નારીયમ્ અસ્તમ્ આગન્ન્
ઇમં ધાતા લોકમ્ અસ્યૈ વિવેદ ।
તામ્ અર્યમા ભગો અશ્વિનોભા
પ્રજાપતિઃ પ્રજયા વર્ધયન્તુ ॥

આત્મન્વત્ય્ ઉર્વરા નરીયમ્ આગન્
તસ્યાં નરો વપત બીજમ્ અસ્યામ્ ।
સા વઃ પ્રજાં જનયાદ્ વક્ષણાભ્યો
બિભ્રતી દુધ્રમ્ ઋષભસ્ય રેતઃ ॥

પ્રતિ તિષ્ઠ વિરાડ્ ઇવ
વિષ્ણુર્ ઇવેહ સરસ્વતિ ।
દૂર્વેવેન્દ્ર પ્ર જાયતાં
ભગસ્ય સુમતાવ્ અસત્ ॥

ઉદ્ વામ્ ઊર્મિઃ શમ્યે હન્ત્વ્
આપો યોક્ત્રાણિ મુઞ્ચન્તુ ।
માદુષ્કૃતૌ વ્યેનસા -
-અઘ્ન્યૌ શૂનમ્ આરતામ્ ॥

અઘોરચક્ષુર્ અપતિઘ્ની સ્યોના
શગ્મા સુશેવા સુયમા ગૃહેષુ ।
પ્રજાવતી વીરસૂર્ દેવૃકામા-
-ઇમમ્ અગ્નિં ગાર્હપત્યં સર્પય ॥

અદેવૃઘ્ન્ય્ અપતિઘ્નીહૈધિ
સ્યોના પશુભ્યઃ સુમનાઃ સુવીરા ।
વીરસૂર્ દેવૃકામા સ્યોના
સં ત્વૈધિષીમહિ સુમનસ્યમાના ॥

ઉત્ તિષ્ઠાતઃ કિમ્ ઇચ્છન્તીદમ્ આગા
અહં ત્વેડે અભિભૂઃ સ્વાદ્ ગૃહાત્ ।
શૂન્યૈશી નિરૃતે યાજગન્થ -
-ઉત્તિષ્ઠારાતે પ્ર પત માતિ રંસ્થાઃ ॥