પૈપ્પલાદ-સંહિતા · અધ્યાય 18.69

અપશ્યં યુવતીં નીયમાનાં
જીવાં મૃતેભ્યઃ પરિણીયમાનામ્ ।
અન્ધેન યત્ તમસા પ્રાવૃતાસીત્
પ્રાક્તો અવાચીમ્ અનયં તદ્ એનામ્ ॥

પ્રજાનત્ય્ અઘ્ન્યે જીવલોકં ભવન્તી
દેવાનાં પન્થામ્ અનુસંચરન્તી ।
એષ તે ગોપતિસ્ તં જુષસ્વ
સ્વર્ગં લોકમ્ અધિ રોહયૈનમ્ ॥

ઉપ દ્યામ્ ઉપ વેતસમ્
અવત્તરો નદીનામ્ ।
અગ્ને પિત્તમ્ અપામ્ અસિ ॥

યં ત્વમ્ અગ્ને સમદહસ્
તમ્ ઉ નિર્ વાપયા પુનઃ ।
કિયાંબુવત્ર રોહતુ
શાણ્ડદૂર્વા વ્યલ્કશા ॥

ઇદં ત એકં પર ઉ ત એકં
તૃતીયેન જ્યોતિષા સં વિશસ્વ ।
સંવેશને તન્વશ્ ચારુર્ એધિ
પ્રિયો દેવાનાં પરમે સધસ્થે ॥

ઉત્ તિષ્ઠ પ્રેહિ પ્ર દ્રવ-
-ઓકઃ કૃણુષ્વ સલિલે સધસ્થે ।
તત્ર ત્વં પિતૃભિઃ સંવિદાનઃ
સં સોમેન મદસ્વ સં સ્વધાભિઃ ॥

પ્ર ચ્યવસ્વ તન્વઃ સં ભરસ્વ
મા તે ગાત્રં વિ હાયિ મો શરીરમ્ ।
મનો નિવિષ્ટમમ્ અનુ સં પ્ર વિશસ્વ
યત્ર ભૂમેર્ જુષસે તત્ર ગચ્છ ॥

વર્ચસા માં પિતરઃ સોમ્યાસો
અઞ્જન્તુ દેવા મધ્વા ઘૃતેન ।
ચક્ષુષો મા પ્રતરં તારયન્તો
જરસે મા જરદષ્ટિં વર્ધયન્તુ ॥

વર્ચસા માં સમ્ અનક્ત્ય્ અગ્નિર્
મેધાં મે વિષ્ણુર્ ન્ય્ અનક્ત્ય્ આસનિ ।
રયિં મે વિશ્વે નિ યચ્છન્તુ દેવાઃ
શુદ્ધા આપઃ પવનૈર્ મા પૂનન્તુ ॥

મિત્રાવરુણા પરિ મામ્ અધાતામ્
આદિત્યા મા સ્વરવો વર્ધયન્તુ ।
વર્ચો મ ઇન્દ્રો ન્ય્ અનક્તુ હસ્તયોર્
જરદષ્ટિં મા સવિતા કૃણોતુ ॥