પૈપ્પલાદ-સંહિતા · અધ્યાય 18.70

યો મમાર પ્રથમો મર્ત્યાનાં
યઃ પ્રેયાય પ્રથમો લોકમ્ એતમ્ ।
વૈવસ્વતં સંગમનં જનાનાં
યમં રાજાનં હવિષા દુવસ્ય ॥

પરા યાત પિતર આ ચ યાત-
-અયં વો યજ્ઞો મધ્વા સમક્તઃ ।
દત્તો અસ્મભ્યં દ્રવિણેહ ભદ્રા
રયિં ચ નઃ સર્વવીરં દધાત ॥

કણ્વઃ કક્ષીવાન્ પુરુમીઢો અગસ્ત્યઃ
શ્યાવાશ્વઃ સોભર્ય્ અર્ચનાનાઃ ।
વિશ્વામિત્રો ઽયં જમદગ્નિર્ વસિષ્ઠો
ઽવન્તુ નઃ કશ્યપો વામદેવઃ ॥

વિશ્વામિત્ર જમદગ્ને વસિષ્ઠ
ભરદ્વાજ ગોતમ વામદેવ ।
શર્દિર્ નો અત્રિર્ અગ્રભીન્ નમોભિઃ
સુશંસાસઃ પિતરો મૃડાતા નઃ ॥

કસ્યે મૃજાના અતિ યન્તિ રિપ્રમ્
આયુર્ દધાનાઃ પિતરં નવીયઃ ।
આપ્યાયમાનાઃ પ્રજયા ધનેન
શુદ્ધા ભવન્તઃ શુચયઃ પાવકાઃ ॥

યદ્ વો રુદ્રં પિતરઃ સોમ્યં ચ
તેનો સચધ્વં સ્વયશસો હિ ભૂત ।
તે અર્વાણઃ કવય આ શૃણોત
સુવિદત્રા વિદથે હૂયમાનાઃ ॥

યે અત્રયો અઙ્ગિરસો નવગ્વા
ઇષ્ટાવન્તો રાતિષાચો દધાનાઃ ।
દક્ષિણાવન્તઃ સુકૃતો ય ઉ સ્થ -
-આસદ્યાસ્મિન્ બર્હિષિ માદયધ્વમ્ ॥

અધા યથા નઃ પિતરઃ પરાસઃ
પ્રત્નાસો અગ્ન ઋતમ્ આશુષાણાઃ ।
શુચીદ્ અયન્ દીધિતિમ્ ઉક્થશસઃ
ક્ષામા ભિન્દન્તો અરુણીર્ ઉપ બ્રુવન્ ॥

સુકર્માણઃ સુરુચો દેવયન્તો
અયો ન દેવા જનિમા ધમન્તઃ ।
શુચન્તો અગ્નિં વવૃધન્ત ઇન્દ્રમ્
ઉર્વીં ગવ્યાં બર્હિષદં નો અક્રન્ ॥

આ યૂથેવ ક્ષુમતિ પશ્વો અખ્યદ્
દેવાનાં યજ્ જનિમાન્ત્ય્ ઉગ્રઃ ।
માર્તાનાં ચિદ્ ઉર્વશીર્ અકૃપ્રન્
વૃધે ચિદ્ અર્ય ઉપરસ્યાયોઃ ॥