પૈપ્પલાદ-સંહિતા · અધ્યાય 18.65

યે યુધ્યન્તે પ્રધનેષુ
શૂરાસો યે તનૂત્યજઃ ।
યે વા સહસ્રદક્ષિણાસ્
તંશ્ ચિદ્ એવાપિ ગચ્છતાત્ ॥

સ્યોનાસ્મૈ પૃથિવી ભવ-
-અનૃક્ષરા નિવેશિની ।
યચ્છાસ્મૈ શર્મ સપ્રથાઃ ॥

અસંબાધે પૃથિવ્યા
ઉરૌ લોકે મહીયતે ।
સ્વધા યાશ્ ચકૃષે જીવં
તાસ્ તે સન્તુ મધુશ્ચુતઃ ॥

હ્વયામિ તે નમસા મ
ઇમં ગૃહમ્ ઉપ જુજુષાણ એહિ ।
સં ગચ્છસ્વ પિતૃભિર્ યચ્ ચ દત્તં
સ્યોનાસ્ ત્વા વાતા ઉપ વાન્તુ શગ્માઃ ॥

આ ત્વા વહન્તુ મરુત
ઉદવાહા ઉદપ્લુતઃ ।
અજેન કૃણ્વન્તઃ શીતં
વર્ષેણો યન્તુ બાલ્ ઇતિ ॥

ઉદ્ અહ્વમ્ આયુર્ આયુષે
ક્રત્વે દક્ષાય જીવસે ।
સ્વાઙ્ ગચ્છતુ તે મનો
અધા પિતૄન્ અપિ દ્રવ ॥

મા તે મનો માસુર્
અઙ્ગાનાં મા રમશ્ ચ તે ।
મા તે હાસ્ત તન્વઃ કિં ચનેહ ॥

મા વૃક્ષઃ સં બાધિષ્ટ
મા દેવી પૃથિવી મહી ।
લોકં પિતૃષુ વિત્ત્વા -
-એધસ્વ યમરાજસુ ॥

યત્ તે અઙ્ગં વિનિહિતં પરાચૈર્
અપાનઃ પ્રાણો ય ઉ તે પરેતઃ ।
યત્ તે સંગત્ય પિતરઃ સનીડા
ઘાસે ઘાસમ્ આ સાદયન્તુ ॥

અપેમં જીવા અરુધન્ ગૃહેભ્યસ્
તં નિર્ ઊહત પરિ ગ્રામાદ્ ઇતઃ ।
મૃત્યો યમસ્યાસિ દૂતઃ પ્રચેતા
અસૂન્ પિતૃભ્યો ગમયાં ચકર્થ ॥