પૈપ્પલાદ-સંહિતા · અધ્યાય 18.61

સરસ્વતીં દેવયન્તો હવન્તે
સરસ્વતીમ્ અધ્વરે તાયમાને ।
સરસ્વતીં સુકૃતો હ્વયન્ત
સરસ્વતી દાશુષે વાર્યં દાત્ ॥

સરસ્વતીં યાં પિતરો હવન્તે
દક્ષિણા યજ્ઞમ્ અભિનક્ષમાણાઃ ।
આસદ્યાસ્મિન્ બર્હિષિ માદયસ્વ-
- અનમીવા ઇષ આ ધેહ્ય્ અસ્મે ॥

સરસ્વતી યા સરથં યયાથ-
-ઉક્થૈઃ સ્વધાભિર્ દેવિ પિતૃભિર્ મદન્તી ।
સહસ્રાર્ઘમ્ ઇડો અત્ર ભાગં
રાયસ્પોષં યજમાનાય ધેહિ ॥

ઉદ્ ઈરતામ્ અવર ઉત્ પરાસ
ઉન્ મધ્યમાઃ પિતરઃ સોમ્યાસઃ ।
અસું ય ઈયુર્ અવૃકા ઋતજ્ઞાસ્
તે નો ઽવન્તુ પિતરો હવેષુ ॥

આહં પિતૄન્ સુવિદત્રાઁ અવિત્સિ
નપાતં ચ વિક્રમણં ચ વિષ્ણોઃ ।
બર્હિષદો યે સ્વધયા સુતસ્ય
ભજન્ત પિત્વસ્ ત ઇહાગમિષ્ઠાઃ ॥

ઇદં પિતૃભ્ય ઇત્ય્ એકા ॥

માતલી કવૈર્ યમો અઙ્ગિરોભિર્
બૃહસ્પતિર્ ઋક્મભિર્ વાવૃધાનઃ ।
યાંશ્ ચ દેવા વાવૃધુર્ યે ચ દેવાન્
સ્વાહાન્ યે સ્વધયાન્ યે મદન્તિ ॥

સ્વાદુષ્ કિલાયં મધુમાઁ ઉતાયં
તીવ્રઃ કિલાયં રસવાઁ ઉતાયમ્ ।
ઉતો ન્વ્ અસ્ય પપિવાઁસમ્ ઇન્દ્રં
ન કશ્ ચન સહત આહવેષુ ॥

પરેયિવાંસં પ્રવતો મહીર્ અનુ
બહુભ્યઃ પન્થામ્ અનુપસ્પશાનઃ ।
વૈવસ્વતં સંગમનં જનાનાં
યમં રાજાનં હવિષા દુવસ્ય ॥

યમો નો ગાતું પ્રથમો વિવેદ
નૈષા ગવ્યૂતિર્ અપભર્તવા ઉ ।
યત્રા નઃ પૂર્વે પિતરઃ પરેયુર્
એના જજ્ઞાનાઃ પથ્યા અનુ સ્વાઃ ॥