પૈપ્પલાદ-સંહિતા · અધ્યાય 18.62

બર્હિષદઃ પિતર ઊત્ય્ અર્વાગ્
ઇમા વો હવ્યા ચકૃમા જુષધ્વમ્ ।
ત આ ગતાવસા શંતમેન-
-અથા નઃ શં યોર્ અરપો દધાત ॥

આચ્યા જાનુ દક્ષિણતો નિષદ્ય-
-ઇમં યજ્ઞમ્ અભિ ગૃણીત વિશ્વે ।
મા હિંસિષ્ટ પિતરઃ કેન ચિન્ નો
યદ્ વ આગઃ પુરુષતા કરામ ॥

ત્વષ્ટા દુહિત્રે વહતું કૃણોતિ -
-ઇદં વિશ્વં ભુવનં સમ્ એતિ ।
યમસ્ય માતા પર્યુહ્યમાણા
મહો જાયા વિવસ્વતો નનાશ ॥

પ્રેહિ પ્રેહિ પથિભિઃ પૂર્વેભિર્
યત્રા તે પૂર્વે પિતરઃ પરેતાઃ ।
ઉભા રાજાના સ્વધયા મદન્તા
યમં પશ્યાસિ વરુણં ચ દેવમ્ ॥

અપેત વીત વિ ચ સર્પતાતો
ઽસ્મ એતં પિતરો લોકમ્ અક્રન્ ।
અહોભિર્ અદ્ભિર્ અક્તુભિર્ વ્યક્તં
યમો દદાત્ય્ અવસાનમ્ અસ્મૈ ॥

ઉશન્તસ્ ત્વા નિ ધીમહ્ય્
ઉશન્તઃ સમ્ ઇધીમહિ ।
ઉશન્ન્ ઉશત આ વહ
પિતૄન્ હવિષે અત્તવે ॥

દ્યુમન્તસ્ ત્વા નિ ધીમહિ
દ્યુમન્તઃ સમ્ ઇધીમહિ ।
દ્યુમાન્ દ્યુમત આ વહ
પિતૄન્ હવિષે અત્તવે ॥