પૈપ્પલાદ-સંહિતા · અધ્યાય 18.5

સમ્રાજ્ઞ્ય્ એધિ શ્વશુરેષુ
સમ્રાજ્ઞ્ય્ ઉત શ્વશ્રુવામ્ ।
નનાન્દુઃ સમ્રાજ્ઞ્ય્ એધિ
સમ્રાજ્ઞ્ય્ ઉત દેવૃષુ ॥

યા અકૃન્તન્ન્ અવયન્ યાશ્ ચ તત્નિરે
યા દેવીર્ અન્તાઁ અભિતો ઽદદન્ત ।
તાસ્ ત્વા જરસે સં વ્યયન્ત્વ્
આયુષ્મતીદં પરિ ધત્સ્વ વાસઃ ॥

જીવં રુદન્તિ વિ નયન્ત્ય્ અધ્વરં
દીર્ઘામ્ અનુ પ્રસિતિં દીધિયુર્ નરઃ ।
વામં પિતૃભ્યો ય ઇદં સમીરિરે
મયઃ પતિભ્યો જનયે પરિષ્વજે ॥

ધ્રુવં સ્યોનં પ્રજાયૈ તે ધારયામ્ય્
અશ્માનં દેવ્યાઃ પૃથિવ્યા ઉપસ્થે ।
તમ્ આ રોહાનુમાદ્યા સુવીરા
દીર્ઘં ત આયુઃ સવિતા કૃણોતુ ॥

દેવસ્ તે સવિતા હસ્તં ગૃહ્ણાતુ
સોમો રાજા સુપ્રજસં કૃણોતુ ।
અગ્નિઃ સુભગાં જાતવેદાઃ
પત્યા પત્નીં જરદષ્ટિં કૃણોતુ ॥

ગૃહ્ણામિ તે સૌભગત્વાય હસ્તં
મયા પત્યા જરદષ્ટિર્ યથાસઃ ।
ભગો અર્યમા સવિતા પુરન્ધિર્
મહ્યં ત્વાદુર્ ગાર્હપત્યાય દેવાઃ ॥

યેનાગ્નિર્ અસ્યા ભૂમ્યા
હસ્તં જગ્રાહ દક્ષિણમ્ ।
તેન ગૃહ્ણામિ તે હસ્તં
મા વ્યથિષ્ઠા મયા સહ ॥

ધાતા તે હસ્તમ્ અગ્રહીત્
સવિતા હસ્તમ્ અગ્રહીત્ ।
ભગસ્ તે હસ્તમ્ અગ્રહીદ્
અર્યમા હસ્તમ્ અગ્રહીત્ ।
પત્ની ત્વમ્ અસિ ધર્મણા-
-અહં ગૃહપતિસ્ તવ ॥

મમેયમ્ અસ્તુ પોષ્યા
મહ્યં ત્વાદાદ્ બૃહસ્પતિઃ ।
મયા પત્યા પ્રજાવતી
સં જીવ શરદઃ શતમ્ ॥

ત્વષ્ટા વાસો વ્ય્ અદધાચ્ છુભે કં
બૃહસ્પતેઃ પ્રશિષા કવીનામ્ ।
તેનેમાં નારીં સવિતા ભગશ્ ચ
સૂર્યામ્ ઇવ પરિ ધત્તાં પ્રજાયૈ ॥