પૈપ્પલાદ-સંહિતા · અધ્યાય 18.4

ઇહેદ્ અસાથ ન પરો ગમાથ-
-ઇમં ગાવઃ પ્રજયા વર્ધયાથ ।
શુભં યતીર્ ઉસ્રિયાઃ સોમવર્ચસો
વિશ્વે દેવાઃ ક્રન્ન્ ઇહ વો મનાંસિ ॥

ઇમં ગાવઃ પ્રજયા સં વિશધ્વમ્
અયં દેવાનાં ન મિનાતિ ભાગમ્ ।
અસ્મૈ વઃ પૂષા મરુતશ્ ચ સર્વે
અસ્મૈ વો ધાતા સવિતા સુવાતિ ॥

અનૃક્ષરા ઋજવઃ સન્તુ પન્થાનો
યેભિઃ સખાયો યન્તિ નો વરેયમ્ ।
સં ભગેન સમ્ અર્યમ્ણા
સં ધાતા સૃજતુ વર્ચસા નઃ ॥

યેન મહાનગ્ન્યા જઘનમ્
અશ્વિના યેન વા સૂરા ।
યેનાક્ષા અભ્યષિચ્યન્ત
તેનેમાં વર્ચસાવતમ્ ॥

યદ્ વર્ચો અક્ષેષુ
સૂરાયાં ચ યદ્ આહિતમ્ ।
યદ્ ગોષ્વ્ અશ્વિના વર્ચસ્
તેનેમાં વર્ચસાવતમ્ ॥

યો અનિધ્મો દીદાયાપ્સ્વ્ અન્તર્
યં વિપ્રાસ ઈડતે અધ્વરેષુ ।
અપાન્ નપાન્ મધુમતીર્ અપો દા
યાભિર્ ઇન્દ્રો વાવૃધે વીર્યાવાન્ ॥

ઇદમ્ અહં રુશન્તં ગ્રાભં
તાનૂદૂષિમ્ અપ નુદામિ ।
યઃ શિચો ભદ્રો રોચાનસ્
તમ્ ઉદ્ અચામિ ॥

અસ્યૈ હરન્તુ સ્તપનં બ્રાહ્મણા
અવીરઘ્નીર્ ઉદ્ અચન્ત્વ્ આપઃ ।
અર્યમ્ણો અગ્નિં પર્ય્ એતુ ક્ષિપ્રં
પ્રતીક્ષન્તે શ્વશુરો દેવરશ્ ચ ॥

શં તે હિરણ્યં શમ્ ઉ સન્ત્વ્ આપઃ
શં મેથિર્ ભવતુ શં યુગસ્ય તર્દ્મ ।
શં ત આપઃ શતપવિત્રા ભવન્તુ
શં પત્યા તન્વં સં સ્પૃશસ્વ ॥

યથા સિન્ધુર્ નદીનાં
સામ્રાજ્યં સુષુવે વૃષા ।
એવા ત્વં સમ્રાજ્ઞ્ય્ એધિ
પત્યુર્ અસ્તં પરેત્ય ॥