પૈપ્પલાદ-સંહિતા · અધ્યાય 18.25

બિભર્ત્ય્ અંશું પ્રતિ મુઞ્ચતે સ્રજમ્
ઉદ્ ઊહતે રશ્મીન્ અંશું બૃહન્તમ્ ।
દિવાકરઃ પશ્યતિ યત્ પરાત્ પરં
પ્રાહ્ણા પ્ર વર્ષ્મણા વિશ્વમ્ અપ્રાઙ્
હિરણ્યયો હરિતઃ કેતુર્ ઉદ્યન્ ॥

આરોહઞ્ છુક્રો બૃહતીર્ અતન્દ્રો
મર્ત્યઃ કૃણુતે વીર્યાણિ ।
દિવ્યઃ સુપર્ણો મહિષો વાતરંહા
યત્ સર્વાન્ લોકાઁ અભિ યદ્ વિભાતિ ॥

અભ્ય્ અન્યદ્ એતિ પર્ય્ અન્યદ્ વસાનો
ઽહોરાત્રાભ્યાં મહિષઃ કલ્પમાનઃ ।
સૂર્યં વયં રજસિ ક્ષિયન્તં
ગાતુવિદં હવામહે નાથકામાઃ ॥

પૃથિવીપ્રો મહિષો નાધમાનસ્ય
ગાતુર્ અદબ્ધચક્ષુઃ પરિ સર્વં બભૂવ ।
વિશ્વં સંપશ્યન્ સુવિદત્રો યજત્રઃ
શિવયા નસ્ તન્વા શર્મ યચ્છાત્ ॥

પર્ય્ અસ્ય મહિમા પૃથિવીં સમુદ્રં
જ્યોતિષા વિભ્રાજન્ પરિ દ્યામ્ અન્તરિક્ષમ્ ।
અહોરાત્રાભ્યાં સહ સંવિદાન
ઉપા ન આયુઃ પ્ર તિરાદ્ અરિષ્ટમ્ ॥

અબોધ્ય્ અગ્નિઃ સમિધા જનાનાં
પ્રતિ ધેનુમ્ ઇવાયતીમ્ ઉષાસમ્ ।
યહ્વા ઇવ પ્ર વયામ્ ઉજ્જિહાનાઃ
પ્ર ભાનવઃ સિસ્રતે નાકમ્ અચ્છ ॥

કુમારં માતા યુવતિર્ ગર્ભમ્ અન્તર્
ગુહા બિભર્તિ ન દદાતિ પિત્રે ।
અનીકમ્ અસ્ય ન મિનજ્ જનાસઃ
પુરઃ પશ્યન્તિ નિહિતમ્ અરતૌ ॥

તમ્ એતં ત્વં યુવતે કુમારં
ત્વેષી બિભર્ષિ મહિષી જજાન ।
ઉર્વીર્ હિ ગર્ભઃ શરદો વવર્ધ-
-અપશ્યં જાતં યમ્ અસૂત માતા ॥

યસ્ય તિસ્રો વર્તન એકધા સતો
યસ્મૈ બલિં દેવજના હરન્તિ ।
તસ્યાસૌ દ્યૌઃ પૃથિવ્ય્ અન્તરિક્ષં
ગુહા તિષ્ઠન્તિ વસુના સમક્તાઃ ॥

નવ દિવો દેવજનેન ગુપ્તા
નવાન્તરિક્ષાણિ નવ ભૂમય ઇમાઃ ।
યસ્મિન્ન્ ઇદં સર્વમ્ ઓતં પ્રોતં
યસ્માદ્ અન્યન્ ન પરં કિં ચનાસ્તિ ॥