પૈપ્પલાદ-સંહિતા · અધ્યાય 18.24

ચિત્રં દેવાનાં કેતુર્ અનીકં
જ્યોતિષ્માન્ પ્રદિશઃ સૂર્ય ઉદ્યન્ ।
દિવાકરો અતિ દ્યુમ્નૈસ્ તમાંસિ
વિશ્વાતારીદ્ દુરિતાનિ શુક્રઃ ॥

ચિત્રં દેવાનામ્ ઉદ્ અગાદ્ અનીકં
ચક્ષુર્ મિત્રસ્ય વરુણસ્યાગ્નેઃ ।
આપ્રા દ્યાવાપૃથિવી અન્તરિક્ષં
સૂર્ય આત્મા જગતસ્ તસ્થુષશ્ ચ ॥

ઉચ્ચા પતન્તમ્ અરુણં સુપર્ણં
મધ્યે દિવસ્ તરણિં ભ્રાજમાણમ્ ।
પશ્યેમ ત્વા સવિતારં યમ્ આહુર્
અજસ્રં જ્યોતિર્ યદ્ અવિન્દદ્ અત્રિઃ ॥

દિવસ્ પૃષ્ઠે ધાવમાનં સુપર્ણમ્
અદિત્યાઃ પુત્રં નાથકામ ઉપ યામિ ભીતઃ ।
સ નઃ સૂર્ય પ્ર તિર દીર્ઘમ્ આયુર્
મા રિષામ સુમતૌ તે સ્યામ ॥

અહોરાત્રાણિ વિદધત્
કૃણ્વાણઃ પાર્થિવં રજઃ ।
નવંનવં સખીભવં
કૃણુષે દેવ સૂર્ય ॥

સહસ્રાહ્ણ્યં વિયતાવ્ અસ્ય પક્ષૌ
હરેર્ હંસસ્ય પચતઃ સ્વર્ગમ્ ।
સ વિશ્વાન્ દેવાન્ ઉરસ્ય્ ઉપદદ્ય
સંપશ્યન્ યાતિ ભુવનાનિ વિશ્વા ॥

રોહિતો લોકો અભવદ્
રોહિતો ઽગ્રે પ્રજાપતિઃ ।
રોહિતો યજ્ઞાનાં મુખં
રોહિતો જ્યોતિર્ ઉચ્યતે ॥

રોહિતો ભૂતો અભવદ્
રોહિતો ભવ્યમ્ આભરત્ ।
રોહિતો યજ્ઞાનાં મુખં
રોહિતઃ સ્વર્ આ ભરત્ ॥

રોહિતઃ કાલો અભવદ્
રોહિતો ઽત્ય્ અતપદ્ દિવમ્ ।
રોહિતો રશ્મિભિર્ ભૂમિં
સમુદ્રમ્ અનુ સં ચરાત્ ॥

સર્વા દિશઃ સં ચરતિ
રોહિતો અધિપતિર્ દિવઃ ।
દિવં સમુદ્રમ્ આદ્ ભૂમિં
સર્વાન્ લોકાન્ વિ રક્ષતુ ॥