પૈપ્પલાદ-સંહિતા · અધ્યાય 18.23

વજ્રાયેવ સાદ્ધિયઃ
કીર્તિં શ્રેમાણમ્ આ વહાન્ ।
મહ્યમ્ આયુર્ ઘૃતપ્રિયઃ ॥

રોહિતો દિવમ્ આક્રમીત્ તપસા તપસ્વી ।
સ યોનિમ્ ઐતિ સ ઉ જાયતે પુનઃ
સ દેવાનામ્ અધિપતિર્ બભૂવ ॥

યો વિશ્વચર્ષણિર્ ઉત વિશ્વતોમુખો
વિશ્વતસ્પાણિર્ ઉતવિશ્વતસ્પૃધઃ ।
સં બાહુભ્યાં ભરતિ સં પતત્રૈર્
દ્યાવાપૃથિવી જનયન્ દેવ એકઃ ॥

એકપાદ્ દ્વિપદો ભૂયો વિ ચક્રમે
દ્વિપાત્ ત્રિપાદમ્ અભ્ય્ એતિ પશ્ચાત્ ।
ત્રિપાદ્ ધ ષટ્પદો ભૂયો વિ ચક્રમે
ત એકપદસ્ તન્વાં સમ્ આસતે ॥

અતન્દ્રો યાસ્યન્ હરિતો યદ્ આસ્થા
દિવિ રૂપં કૃણુષે રોચમાનઃ ।
કેતુમાઁ ઉદ્યન્ સહમાનો રજાંસિ
વિશ્વા આદિત્ય પ્રવતો વિ ભાસિ ॥

બણ્ મહાઁ અસિ સૂર્ય
બડ્ આદિત્ય મહાઁ અસિ ।
મહાંસ્ તે મહતો મહિમા
ત્વમ્ આદિત્ય મહાઁ અસિ ॥

રોચસે દિવિ રોચસે અન્તરિક્ષે પતઙ્ગ
પૃથિવ્યાં રોચસે રોચસે અપ્સ્વ્ અન્તઃ ।
ઉભા સમુદ્રૌ રુચ્યા વ્ય્ આપિથ
દેવો દેવાસિ મહિષઃ સ્વર્વિત્ ॥

અર્વાક્ પરસ્તાદ્ વિયતો વ્યધ્વ
આશુર્ વિપશ્ચિત્ પતયન્ પતઙ્ગઃ ।
વિષ્ણુર્ વિચિત્તઃ શવસાધિતિષ્ઠન્
પ્ર કેતુના સહતે વિશ્વમ્ એજત્ ॥

તિગ્મો વિભ્રાજન્ તન્વઃ શિશાનો
ઽરંગમાસઃ પ્રવતો રરાણઃ ।
જ્યોતિષ્માન્ પક્ષી મહિષો વયોધા
વિશ્વા આસ્થાત્ પ્રદિશઃ કલ્પમાનઃ ॥

ચિત્રશ્ ચિકિત્વાન્ મહિષઃ સુપર્ણ
આરોચયન્ રોદસી અન્તરિક્ષમ્ ।
અહોરાત્રે પરિ સૂર્યં વસાને
પ્રાસ્ય વિશ્વા તિરતો વીર્યાણિ ॥