પૈપ્પલાદ-સંહિતા · અધ્યાય 18.10

આ રોહ તલ્પં સુમનસ્યમાના-
-ઇહ પ્રજાં જનય પત્યે અસ્મૈ ।
ઇન્દ્રાણીવ સુબુધા બુધ્યમાના
જ્યોતિરુગ્રા ઉષસઃ પ્રતિ જાગરઃ ॥

દેવા અગ્રે ન્ય્ અપદ્યન્ત પત્નીં
સમ્ અસ્પૃશન્ત તન્વસ્ તનૂભિઃ ।
સૂર્યેવ નારિ વિશ્વરૂપા મહિત્વા
પ્રજાવતી પત્યે શં ભવાસિ ॥

ઉદ્ ઈર્ષ્વાતઃ પતિવત્ની હ્ય્ એષા
વિશ્વાવસું નમસા ગીર્ભિર્ ઈડે ।
જામિમ્ ઇચ્છ પિતૃષદં ન્યક્તાં
સ તે ભાગો જનુષા તસ્ય વિદ્ધિ ॥

યા અપ્સરસઃ સધમાદં મદન્ત્ય્
અન્તરા હવિર્ધાનં સૂર્યં ચ ।
તાસ્ તે જનિત્રમ્ અભિ તાઃ પરેહિ
નમસ્ તે ગન્ધર્વ ર્તુના કૃણોમિ ॥

નમો ઘન્ધર્વસ્ય મનસે
નમો ભામાય ચક્ષુષે ચ કૃણ્મઃ ।
વિશ્વાવસો નમો બ્રહ્મણા તે કૃણોમ્ય્
અભિ જાયા અપ્સરસઃ પરેહિ ॥

રાયા વયં સુમનસઃ સ્યામ-
-ઉદ્ ઇતો ગન્ધર્વમ્ આવીવૃતામ ।
અગન્ સ દેવઃ પરમં સધસ્થમ્
અગન્મ વયં પ્રતિરન્ત આયુઃ ॥

સં પિતરાવ્ ઋત્વિયે સૃજેથાં
પિતા માતા ચ રેતસો ભવાથઃ ।
મર્યો યોષામ્ અધિ રોહયૈતાં
પ્રજાં કૃણ્વાથામ્ ઇહ મોદમાનૌ ॥

આ વાં પ્રજાં જનયતુ પ્રજાપતિર્
અહોરાત્રાભ્યાં સમ્ અનક્ત્વ્ અર્યમા ।
અદુર્મઙ્ગલી પતિલોકમ્ આ વિશેમં
શં નો ભવ દ્વિપદે શં ચતુષ્પદે ॥

તાં પૂષઞ્ છિવતમામ્ એરયસ્વ
યસ્યાં બીજં મનુષ્યા વપન્તિ ।
યા ન ઊરૂ ઉશતી વિશ્રયાતિ
યસ્યામ્ ઉશન્તઃ પ્રહરેમ શેપઃ ॥

આ રોહોરુમ્ ઉપ ધત્સ્વ હસ્તં
પરિ ષ્વજસ્વ જાયાં સુમનસ્યમાનઃ ।
પ્રજાં કૃણ્વાથામ્ ઇહ પુષ્યતં રયિં
દીર્ઘં વામ્ આયુઃ સવિતા કૃણોતુ ॥