પૈપ્પલાદ-સંહિતા · અધ્યાય 18.11

યં નો દદુર્ બ્રહ્મભાગં વધૂયોર્
વાસો વધ્વશ્ ચ વસ્ત્રમ્ ।
યુવં બ્રહ્મણે ઽનુમન્યમાનૌ
બૃહસ્પતે સાકમ્ ઇન્દ્રશ્ ચ દત્તમ્ ॥

દેવૈર્ દત્તં વનુના સાકમ્ એતદ્
વાધૂયં વધ્વો વાસો અસ્યાઃ ।
યો બ્રહ્મણે ચિકિતુષે દદાતિ
સ ઇદ્ રક્ષાંસિ તલ્પ્યાનિ હન્તિ ॥

સ્યોનાદ્ યોનેર્ અધિ બુધ્યમાનૌ
હસામુદૌ મહસા મોદમાનૌ ।
સુગૂ સુપુત્રૌ સુગૃહૌ તરાથો
જીવા ઉષસો વિભાતીઃ ॥

નવં વસાનઃ સુરભિઃ સુવાસા
ઉદાગાં જીવ ઉષસો વિભાતીઃ ।
આણ્ડાત્ પતત્રીવામુક્ષિ
વિશ્વસ્માદ્ એનસસ્ પરિ ॥

શુમ્ભની દ્યાવાપૃથિવી
અન્તિસુમ્ને મહિવ્રતે ।
આપઃ સપ્ત સ્રવન્તીસ્
તા નો મુઞ્ચન્ત્વ્ અંહસઃ ॥

સૂર્યાયૈ દેવેભ્યો
મિત્રાય વરુણાય ચ ।
યે ભૂતસ્ય પ્રચેતસસ્
તેભ્યો ઽહમ્ અકરં નમઃ ॥

ય ઋતે ચિદ્ અભિશ્રિષઃ
પુરા જત્રુભ્ય આતૃદઃ ।
સંધાતા સંધિં મઘવા
પુરૂવસુર્ નિષ્કર્તા વિહૃતં પુનઃ ॥

અપાસ્મત્ તમ ઉચ્છતુ
નીલં પિશઙ્ગમ્ ઉત લોહિતં યત્ ।
નિર્દહનીં પૃષાતકીમ્
અસ્મિન્ તાં સ્થાણાવ્ અધ્ય્ આ સૃજામિ ॥

યાવતીઃ કૃત્યા ઉપવાસને
યાવન્તો રાજ્ઞો વરુણસ્ય પાશાઃ ।
વ્યૃદ્ધયો યા અસમૃદ્ધયશ્ ચ-
-અસ્મિન્ તા સ્થાણૌ પ્રતિ મુઞ્ચામિ સર્વાઃ ॥

યે અન્તા યાવતીઃ સિચ
ઓતવો યે ચ તન્તવઃ ।
વાસો યત્ પત્નીભિર્ ઉતં
તન્ મા સ્યોનમ્ ઉપ સ્પૃષાત્ ॥