પૈપ્પલાદ-સંહિતા · અધ્યાય 17.9

યસ્માદ્ ઋચો અપાતક્ષં
યજુર્ યસ્માદ્ અપાકષન્ ।
છન્દાંસિ યસ્ય લોમાનિ
સ્કમ્ભં તં બ્રૂહિ કતમઃ સ્વિદ્ એવ સઃ ॥

અસચ્છાખાં પ્રતિષ્ઠન્તીં
પરમમ્ ઇવ જના વિદુઃ ।
ઉતો સન્ મન્યન્તે ઽવરે
યે ઽસ્ય શાખામ્ ઉપાસતે

યત્રાદિત્યાશ્ ચ રુદ્રાશ્ ચ
વસવશ્ ચ સમાહિતાઃ ।
સ્કમ્ભં તં બ્રૂહિ કતમઃ સ્વિદ્ એવ સઃ ॥

યસ્ય ત્રયસ્ત્રિંશદ્ દેવા
નિધિં રક્ષન્તિ સર્વદા ।
નિધિં તમ્ અદ્ય કો વેદ
યં દેવા અભિરક્ષત ॥

યત્ર દેવા બ્રહ્મવિદો
બ્રહ્મ જ્યેષ્ઠમ્ ઉપાસતે ।
યો વૈ ત બ્રાહ્મણો વેદ
તં વૈ બ્રહ્મવિદો વિદુઃ ॥

બૃહન્તો નામ તે દેવા
અસતસ્ પરિ જજ્ઞિરે ।
એકં તદ્ અઙ્ગં સ્કમ્ભસ્ય-
-અસદ્ આહુઃ પરો જનાઃ ॥

યત્ર સ્કમ્ભઃ પ્રજનયન્
પુરાણં વ્યવર્તયત્ ।
એકં તદ્ અઙ્ગં સ્કમ્ભસ્ય
પુરાણમ્ અનુ સં વિદુઃ ॥

યત્ર ત્રયસ્ત્રિંશદ્ દેવા
અઙ્ગા ગાત્રાણિ ભેજિરે ।
તાન્ વૈ ત્રયસ્ત્રિંશદ્ દેવાન્
એકે બ્રહ્મવિદો વિદુઃ ॥

હિરણ્યગર્ભં પરમમ્
અનત્યુદ્યં જના વિદુઃ ।
સ્કમ્ભસ્ તદ્ અગ્રે પ્રાસિઞ્ચદ્
ધિરણ્યં લોકે અન્તરા ॥

સ્કમ્ભે લોકાઃ સ્કમ્ભે તપઃ
સ્કમ્ભે ઽધ્ય્ ઋતમ્ આહિતમ્ ।
સ્કમ્ભં ત્વા વિદ્મ પ્રત્યક્ષમ્
ઇન્દ્રે સર્વં સમાહિતમ્ ॥