પૈપ્પલાદ-સંહિતા · અધ્યાય 17.55

એષા ત્વચાં પુરુષે સં બભૂવ-
-અનગ્નાઃ સર્વે પશવો યે અન્યે ।
ક્ષત્રેનાત્માનં પરિ ધાપયેતામ્
અમોતં વાસો મુખમ્ ઓદનસ્ય ॥

યદ્ અક્ષેષુ વદસિ યત્ સમિત્યાં
યદ્ વા ધને અનૃતં વિત્તકામ્યા ।
સમાનં તન્તું સહ સંવસાનૌ
તસ્મિન્ સર્વં શમલં સાદયાથઃ ॥

વર્ષં વનુષ્વાપિ ગચ્છ દેવાંસ્
ત્વચો ધૂમં પર્ય્ ઉત્ પાતયાસિ ।
વિશ્વવ્યચા વિશ્વકર્મા સ્વર્ગઃ
સયોનિર્ લોકમ્ ઉપ યાહ્ય્ એતમ્ ॥

તન્વઃ સ્વર્ગો બહુધા વિ ચક્રે
યથા વિદ આત્મન્ય્ અન્યવર્ણાઃ ।
અપાજૈત્ કૃષ્ણાં રુશતીં પુનાનો
યા લોહિની તાં તે અગ્નૌ જુહોમિ ॥

પ્રાચ્યૈ દિશે અગ્નયે ઽધિપતયે ઽસિતાય રક્ષિત્ર
આદિત્યાયેષુમત એતં પરિ દધ્મઃ ।
તં નો ગોપાયન્ત્વ્ આસ્માકમ્ ઐતોર્
દિષ્ટં નો અત્ર જરસે નિ નેષત્ ।
જરા મૃત્યવે પરિ ણો દધાત્વ્
અધા પક્વેન સહ સં ભવેમ ॥

દક્ષિણાયૈ દિશ ઇન્દ્રાયાધિપતયે તિરશ્ચિરાજે રક્ષિત્રે
વસુભ્ય ઇષુમદ્ભ્ય એતમ્ (…) ॥

પ્રતીચ્યૈ દિશે વરુણાયાધિપતયે પૃદાકવે રક્ષિત્રે
મિત્રાયેષુમત એતમ્ (…) ॥

ઉદીચ્યૈ દિશે સોમાયાધિપતયે સ્વજાય રક્ષિત્રે
વાતાયેષુમત એતમ્ (…) ॥

ધ્રુવાયૈ દિશે વિષ્ણવે ઽધિપતયે કલ્માષગ્રીવાય રક્ષિત્રે
વીરુદ્ભ્ય ઇષુમતીભ્ય એતમ્ (…) ॥

ઊર્ધ્વાયૈ દિશે બૃહસ્પતયે ઽધિપતયે શ્વિત્રાય રક્ષિત્રે
અશનીભ્ય ઇષુમતીભ્ય એતં પરિ દધ્મઃ ।
તં નો ગોપાયન્ત્વ્ આસ્માકમ્ ઐતોર્
દિષ્ટં નો અત્ર જરસે નિ નેષત્ ।
જરા મૃત્યવે પરિ ણો દધાત્વ્
અથા પક્વેન સહ સં ભવેમ ॥