પૈપ્પલાદ-સંહિતા · અધ્યાય 18.1

સત્યેનોત્તભિતા ભૂમિઃ
સૂર્યેણોત્તભિતા દ્યૌઃ ।
ઋતેનાદિત્યાસ્ તિષ્ઠન્તિ
દિવિ સોમો અધિ શ્રિતઃ ॥

સોમેનાદિત્યા બલિનઃ
સોમેન પૃથિવી મહી ।
અતો નક્ષત્રણામ્ એષામ્
ઉપસ્થે સોમ આહિતઃ ॥

સોમં મન્યતે પપિવાન્
યત્ સંપિંષન્ત્ય્ ઓષધિમ્ ।
સોમં યં બ્રઃમાનો વિદુર્
ન તસ્યાશ્નાતિ પાર્થિવઃ ॥

આચ્છદ્વિધાનૈર્ ગુપિતો
બાર્હતૈઃ સોમ રક્ષિતઃ ।
ગ્રાવ્ણામ્ ઇચ્ છૃણ્વન્ તિષ્ઠસિ
ન તે અશ્નાતિ પાર્થિવઃ ॥

ચિત્તિર્ વાવોપબર્હણં
ચક્ષુર્ આવદ્ અભ્યઞ્જનમ્ ।
દ્યૌર્ ભૂમિઃ કોશ આસીદ્
યદ્ અયાત્ સૂર્યા પતિમ્ ॥

રૈભ્ય્ આસીદ્ અનુદેયી
નારાશંસી ન્યોચનમ્ ।
સૂર્યાયા ભદ્રમ્ ઇદ્ વાસો
ગાથયૈતિ પરિષ્કૃતા ॥

સ્તોમા આસન્ પ્રતિધયઃ
કુરીરં છન્દ ઓપશઃ ।
સૂર્યાયા અશ્વિના વરા-
-અગ્નિર્ આસીત્ પુરોગવઃ ॥

સોમો વધૂયુર્ અભવદ્
અશ્વિનાસ્તામ્ ઉભા વરા ।
સૂર્યાં યત્ પત્યે શંસન્તીં
મનસા સવિતાદદાત્ ॥

મનો અસ્યા અન આસીદ્
દ્યૌર્ આસીદ્ ઉત છદિઃ ।
શુક્રાવ્ અનડ્વાહાવ્ આસ્તાં
યદ્ અયાત્ સૂર્યા પતિમ્ ॥

ઋક્સામાભ્યામ્ અભિહિતૌ
ગાવૌ તે સામનાવ્ ઐતામ્ ।
શ્રોત્રે તે ચક્રે આસ્તાં
દિવિ પન્થાશ્ ચરાચરઃ ॥