પૈપ્પલાદ-સંહિતા · અધ્યાય 17.53

પ્ર યચ્છ પર્શું ત્વરયા હરન્ત્વ્
અહિંસન્ત ઓષધીર્ દાન્તુ પર્વમ્ ।
સોમો યાસાં પરિ રાજ્યં બભૂવ-
-અમન્યુતા વીરુધો મે ભવન્તુ ॥

નવં બર્હિર્ ઓદનાય સ્તૃણીત
પ્રિયં હૃદશ્ ચક્ષુષો વલ્ગ્વ્ અસ્તુ ।
તત્ર દેવાઃ સહ દેવૈર્ વિશન્ત્વ્
ઇમં પ્રાશ્નન્તુ દક્ષિણતો નિષદ્ય ॥

વનસ્પતે સ્તીર્ણમ્ આ સીદ બર્હિર્
અગ્નિષ્ટોમૈઃ સંમિતો દેવતાભિઃ ।
ત્વષ્ટેવ રૂપં સુકૃતં સ્વધીત્યેના
એહાઃ પરિ પાત્રે દદૃશ્રામ્ ॥

ધર્તા ધ્રિયસ્વ ધરુણે પૃથિવ્યા
અચ્યુતં ત્વા દેવતાશ્ ચ્યાવયન્તુ ।
તં દમ્પતી જીવન્તૌ જીવપુત્રા
ઉદ્વાસયાતઃ પર્ય્ અગ્નિધાનાત્ ॥

ષષ્ટ્યૈ શરદ્ભ્યઃ પરિ દધ્મ એતં
સ્વઃ પક્વેનાભ્ય્ અશ્નવાતૈ ।
ઉપૈનં પુત્રાઃ પિતરશ્ ચ સીદાન્
ઇમં સ્વર્ગં ગમયાન્તમ્ અગ્ને ॥

સર્વાન્ સમાગાન્ અભિજિત્ય લોકાન્
યાવન્તઃ કામાઃ સમપૂપુરસ્ તાન્ ।
વિ ગાહેથામ્ આયવનં ચ દર્વિર્
એકસ્મિન્ પાત્રે અધ્યુદ્ધરૈનમ્ ॥

ઉપ સ્તૃણીહિ પ્રથયા પુરસ્તાદ્
ઘૃતેન પાત્રમ્ અભિ ઘારયેદમ્ ।
વાશ્રેવોસ્રા તરુણં સ્તરસ્મિમ્
ઇમં દેવાસો અભિહિંકરાથ ॥

ઉપાસ્તરીર્ અકરો લોકમ્ એતમ્
ઉરુઃ પૃથુશ્ ચાસમઃ સ્વર્ગઃ ।
તસ્મિન્ સુપર્ણો મહિષઃ શ્રયાતૈ
દેવા એનં દેવતાભ્યઃ પ્ર યચ્છાન્ ॥

યદ્યજ્ જાયા પચતિ ત્વત્ પરઃપરઃ
પતિર્ વા જાય ઉત ત્વત્ તિરઃ ।
સં તત્ સૃજેથાં સહ વાં તદ્ અસ્તુ
સં રાધયન્તૌ સહ લોકમ્ એતમ્ ॥

યાવન્તો અસ્યાઃ પૃથિવીં સચન્તે
અસ્માત્ પુત્રાઃ પરિ યે સંબભૂવુઃ ।
સર્વાંસ્ તાન્ ઉપ પાત્રે હ્વયેથાં
નાભિં જનાનાઃ શિશવઃ સમાયન્ ॥