પૈપ્પલાદ-સંહિતા · અધ્યાય 17.50

પુમાન્ પુંસો અધિ તિષ્ઠ ચર્મ
તત્ર હ્વયસ્વ યતમા પ્રિયા તે ।
યાવન્તાવ્ અગ્રે પ્રથમં સમેયથુસ્
તદ્ વાં વયો યમરાજ્યે સમાનમ્ ॥

તાવદ્ વાં તેજસ્ તતિ વીર્યાણિ
તાવચ્ ચક્ષુસ્ તતિધા વાજિનાનિ ।
અગ્નિઃ શરીરં સચતે યદૈધો
અધા પક્વાન્ મિથુના સં ભવાથઃ ॥

સમ્ અસ્મિંલ્ લોકે સમ્ ઉ દેવયાને
સં સ્મા સમેતં યમરાજ્યે ।
પૂતૌ પવિત્રૈર્ ઉપ તદ્ ઉ હ્વયેથાં
યદ્યદ્ રેતો અધિ વાં સંબભૂવ ॥

આપઃ પુત્રાસો અભિ સં વિશધ્વમ્
ઇમં જીવં જીવધન્યાઃ સમ્ એત ।
તાસાં ભજધ્વમ્ અમૃતં યદ્ આહુર્
યમ્ ઓદનં પચતિ વો જનિત્રી ॥

યં વઃ પિતા પચતિ યં ચ માતા
રિપ્રાન્ નિર્મુક્થ્યૈ શમલાચ્ ચ વાચઃ ।
સ ઓદનઃ શતધારઃ સ્વર્ગ
ઉભે વ્યાપ નભસી મહિત્વા ॥

ઉભે નભસી ઉભયાંશ્ ચ લોકાન્
યે યજ્વનામ્ અભિજિતાઃ સ્વર્ગાઃ ।
તેષાં જ્યોતિષ્માન્ મધુમાન્ યો અગ્રે
તસ્મિન્ પુત્રૈર્ જરસિ સં શ્રયેથામ્ ॥

પ્રાચીંપ્રાચીં પ્રદિશમ્ આ રભેતામ્
એતં લોકં શ્રદ્દધાનાઃ સચન્તે ।
મિમાથાં પાત્રં તદ્ વાં પૂર્ણમ્ અસ્તુ
સ વાં પક્વઃ પિત્ર્યાણે ન્યાયત્ ॥

દક્ષિણાં દિશમ્ અભિ નક્ષમાણૌ
પર્ય્ આવર્તેથામ્ અભિ પાત્રમ્ એતત્ ।
તસ્મૈ વાં યમઃ પિતૃભિઃ સંવિદાનઃ
પક્વાય શર્મ બહુલં નિ યચ્છાત્ ॥

પ્રતીચી દિશામ્ ઇયમ્ ઇદ્ વરં વાં
યસ્યાં સોમો અધિપા મૃડિતા ચ ।
તસ્યાં મિમાથાં સુકૃતઃ સચેથામ્
અધા પક્વેન સહ સં ભવેમ ॥

ઉત્તરં રાષ્ટ્રં પ્રજયોત્તરાવદ્
દિશામ્ ઉદીચી કૃણવન્ નો અગ્રમ્ ।
પાઙ્ક્તં છન્દઃ પુરુષો બભૂવ
વિશ્વૈર્ વિશ્વાઙ્ગૈઃ સહ સં ભવેમ ॥