પૈપ્પલાદ-સંહિતા · અધ્યાય 17.49

યે ઽશ્રદ્ધયા ધનકામ્યાત્
ક્રવ્યાદા સમાસતે ।
તે વા અન્યેષાં કુમ્ભીં
પર્ય્ આદધતિ સર્વદા ॥

ઇષીકાં ચરતીં વિત્ત્વા
તિલ્પિયં દણ્ડનં નડમ્ ।
તાન્ ઇન્દ્ર ઇધ્મં કૃત્વા
યમસ્યાગ્નિં નિરાદધૌ ॥

અવિઃ કૃષ્ણા ભાગધેયં પશૂનાં
સીસં ક્રવ્યાદ્ ઉત ચન્દ્રં ત આહુઃ ।
માષાઃ પિષ્ટા ભાગધેયં હવ્યં તે
ઽરણ્યાન્યા ગહ્વરં સચસ્વ ॥

પ્રત્યઞ્ચમ્ અર્કં પ્રત્યર્પયિત્વા
પ્રવિદ્વાન્ પન્થાં વિ હ્ય્ આચકાર ।
પરામીષામ્ અસૂન્ દિદેશ
દીર્ઘેણાયુષા સમ્ અધાદ્ ઇહેમાન્ ॥

અનડ્વાહં પ્લવમ્ અન્વ્ આરભધ્વં
સ વો નિર્વક્ષદ્ દુરિતાદ્ અવદ્યાત્ ।
આ રોહત સવિતુર્ નાવં હિરણ્યયીં
ષડ્ભિર્ ઊર્મિભિર્ અમતિં ચરેમ ॥

ગોભિષ્ ટરેમામતિં દુરેવાં
યવેન ક્ષુધં પુરુહૂત વિશ્વામ્ ।
વયં રાજાનઃ પ્રથમા ધનાનામ્
અરિષ્ટાસ ઋજનીભિસ્ તરેમ ॥

પૂર્ણં નારિ પ્ર હરાભિ કુમ્ભમ્
અપાં રસૈર્ ઓષધીનાં ઘૃતસ્ય ।
ઇમાન્ પાતૄંર્ અમૃતેના સમ્ અઙ્ધિ
સ્થિરા વીરાઃ સંમનસો ભવન્તુ ॥