પૈપ્પલાદ-સંહિતા · અધ્યાય 17.17

ય એનાં વનિમ્ આયન્તિ
તેષાં દેવકૃતા વશા ।
બ્રહ્મજ્યેયં તદ્ અબ્રુવન્
ય એનાં નિપ્રિયાયતે ॥

ય એનાં યાચદ્ભ્ય
આર્ષેયેભ્યો ન દિત્સતિ ।
આ સ દેવેષુ વૃશ્ચતે
બ્રાહ્મનાનાં ચ મન્યવે ॥

યસ્યાન્યઃ સ્યાદ્ વશાભોગો
અન્યામ્ ઇચ્છેત તર્હિ સઃ ।
હિંસ્યાદ્ અદત્તા ગોપતિં
યાચિતાં ચ ન દિત્સતિ ॥

યથા શેવધિર્ નિહિતો
બ્રાહ્મણાનાં તથા વશા ।
તામ્ એતદ્ આ યન્તિ
યસ્મિન્ કસ્મિંશ્ ચ જાયતે ॥

સ્વમ્ એતદ્ આ યન્તિ
યદ્ વશાં બ્રાહ્મણા અભિ ।
યથૈતાન્ અન્યજ્ જિનીયાદ્
એવાસ્યાનિરોધનમ્ ॥

ચરેદ્ એવા ત્રૈહાયણાદ્
અવિજ્ઞાતગદા સતી ।
વશાં ચ વિદ્યાન્ નારદ
બ્રાહ્મણસ્ તર્હ્ય્ એષ્યઃ ॥

ય એનામ્ અવશામ્ આહ
દેવાનાં નિહિતં નિધિમ્ ।
ઉભૌ તસ્મૈ ભવાશર્વૌ
પરિક્રમ્યેષુમ્ અસ્યતઃ ॥

દુરદભ્નૈનમ્ આ શયે
યાચિતાં ચ ન દિત્સતિ ।
નાસ્મૈ કામઃ સમ્ ઋધ્યતે
યમ્ અદત્ત્વા ચિકીર્ષતિ ॥

યો અસ્યા ઊધો ન વેદ-
-અથો અસ્યા સ્તનાન્ ઉત ।
ઉભયેનૈવૈનાં દુહે
દાતું ચેદ્ અશકદ્ વશામ્ ॥

દેવા વશાં યાચન્તિ
મુખં કૃત્વા બ્રહ્મણમ્ ।
તેષાં સર્વેષામ્ અદદદ્
ધેડં ન્ય્ એતિ માનુષઃ ॥