પૈપ્પલાદ-સંહિતા · અધ્યાય 17.16

દદામીત્ય્ એવ બ્રૂયાદ્
અનુ ચૈનામ્ અભુત્સત ।
વશાં બ્રહ્મભ્યો યાચદ્ભ્યસ્
તત્ પ્રજાવદ્ અપત્યવત્ ॥

પ્રજયા સ વિ ક્રીણીતે
પશુભિશ્ ચોપ દસ્યતિ ।
ય આર્ષેયેભ્યો યાચદ્ભ્યો
દેવાનાં ગાં ન દિત્સતિ ॥

કૂટયાસ્ય સં શીર્યન્તે
શ્રોણયા કાટમ્ અર્દતિ ।
બણ્ડયા દહ્યન્તે ગૃહાઃ
કાણયા જીયતે સ્વમ્ ॥

વિલોહિતો અધિષ્ઠાનાચ્
છક્નો વિન્દતિ ગોપતિમ્ ।
તથા વશાયાઃ સાંવિદ્યં
દુરદભ્ના હ્ય્ ઉચ્યસે ॥

યો અસ્યાઃ કર્ણાવ્ આસ્કુનોત્ય્
આ સ દેવેષુ વૃશ્ચતે ।
લક્ષ્મ કુર્વ ઇતિ મન્યતે
કનીયઃ કૃણુતે સ્વમ્ ॥

પદોર્ અસ્યા અધિષ્ઠાનાદ્
વિક્લિન્દુર્ નામ વિન્દતિ ।
અનામનાત્ સં શીર્યન્તે
યા મુખેનોપજિઘ્રતિ ॥

યદ્ અસ્યા ગોપતૌ સત્યા
લોમ ધ્વાઙ્ક્ષો અજીહિડત્ ।
તતઃ કિશોરા મ્રિયન્તે
વત્સાંશ્ ચ ઘાતુકો વૃકઃ ॥

યદ્ અસ્યાઃ કસ્મૈ ચિદ્ ભોગાય
બાલાન્ કશ્ ચિત્ પ્ર કૃન્તતિ ।
તતઃ કુમારા મ્રિયન્તે
યક્ષ્મશ્ છન્ત્સત્ય્ અનામનાત્ ॥

યદ્ અસ્યાઃ પલ્પુલનાય
શકૃદ્ દાસી સમસ્યતિ ।
તતો ઽપિરૂપં જાયતે
તસ્માદ્ અવ્યેષ્યદ્ એનસઃ ॥

જાયમાનાભિ જાયતે
દેવાન્ સબ્રાહ્મણાન્ વશા ।
તસ્માદ્ બ્રહ્મભ્યો દેયૈષા
તદ્ આહુઃ સ્વસ્ય ગોપનમ્ ॥