Scripture Library

Paippalāda-Saṃhitā · Chapter 17.17

17.17.1

ya enāṃ vanim āyanti
teṣāṃ devakṛtā vaśā |
brahmajyeyaṃ tad abruvan
ya enāṃ nipriyāyate ||

17.17.2

ya enāṃ yācadbhya
ārṣeyebhyo na ditsati |
ā sa deveṣu vṛścate
brāhmanānāṃ ca manyave ||

17.17.3

yasyānyaḥ syād vaśābhogo
anyām iccheta tarhi saḥ |
hiṃsyād adattā gopatiṃ
yācitāṃ ca na ditsati ||

17.17.4

yathā śevadhir nihito
brāhmaṇānāṃ tathā vaśā |
tām etad ā yanti
yasmin kasmiṃś ca jāyate ||

17.17.5

svam etad ā yanti
yad vaśāṃ brāhmaṇā abhi |
yathaitān anyaj jinīyād
evāsyānirodhanam ||

17.17.6

cared evā traihāyaṇād
avijñātagadā satī |
vaśāṃ ca vidyān nārada
brāhmaṇas tarhy eṣyaḥ ||

17.17.7

ya enām avaśām āha
devānāṃ nihitaṃ nidhim |
ubhau tasmai bhavāśarvau
parikramyeṣum asyataḥ ||

17.17.8

duradabhnainam ā śaye
yācitāṃ ca na ditsati |
nāsmai kāmaḥ sam ṛdhyate
yam adattvā cikīrṣati ||

17.17.9

yo asyā ūdho na veda-
-atho asyā stanān uta |
ubhayenaivaināṃ duhe
dātuṃ ced aśakad vaśām ||

17.17.10

devā vaśāṃ yācanti
mukhaṃ kṛtvā brahmaṇam |
teṣāṃ sarveṣām adadad
dheḍaṃ ny eti mānuṣaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0