પૈપ્પલાદ-સંહિતા · અધ્યાય 17.15

યાઃ કુમારીર્ યાઃ સ્થવિરા
યુવતીર્ યાઃ સદાન્વાઃ ।
સર્વા યન્તુ કુરૂટિનીઃ
કુલીનાધેનુ સર્પત્વ્
અરાયીર્ અભિભા ઇતઃ ॥

તાભ્યો રુદ્રો વિસૃજત્
ત્વિષિમ્ અધ્વગઘાતિનીમ્ ।
તા અસ્તા હન્તુ વિદ્યુતા
વજ્રેણાનપરાધિના ।
તાસાં ત્વં શક્ર મોચ્ છિષ
ઇન્દ્ર ભણ્વાઃ ફલીકુરુ ॥

કુમારાન્ એકા સ્થવીરાન્
યા અદન્તિ પ્રખાદિનીઃ ।
તા ઇન્દ્રો હન્તુ વૃત્રહા
યા દેવો વિશ્વાદ્ રક્ષાંસિ સેધતિ ॥

યાશ્ ચ દાસીર્ અસુરાણાં
મનુષ્યેભ્યશ્ ચ યાઃ કૃતાઃ ।
ઉભયીસ્ તાઃ પરા યન્તુ
પરાવતં નવતિં નાવ્યા અતિ ॥

યાસાં ઘોષઃ સંગતાનાં
વૃકાણામ્ ઇવ ગઙ્ગણઃ ।
પ્રચઙ્કશામૈવહરાં
પ્રયચ્છન્તીં પ્રતિગ્રહાં
નાશયામઃ સદાન્વાઃ ॥

યાનિ સાયં યથાસ્થામાદ્
રાત્રીં યક્ષાણિ પ્રેરતે ।
અગ્નિષ્ ટા સર્વા સાહન્ત્યો
વિશ્વાદ્ રક્ષાંસિ સેધતુ ॥

યા ઋક્ષીકાઃ કલીલાન્દા-
-અપ્સુ જાતાઃ પુલીકયાઃ ।
ગોપા આસામ્ એકો વેદ
યતો જાતાઃ સદાન્વાસ્
તા ઇતો નાશયામસિ ॥

ગુરુચ્છાયામ્ ઊર્ધાર્યં
શિશુમાકાં પ્રતિશ્રુકામ્ ।
અતિદુહ્નાં વિચલન્તીં વિતૂલુમામ્ ।
સર્વાશ્ ચણ્ડસ્ય નપ્ત્યો
નાશયામઃ સદાન્વાઃ ॥

આવદન્તીં નામહૂકાં
તંસ્તનીકાં વૃઙ્ક્તપદીમ્ ।
ઉદ્રદન્તીમ્ અનાસિકાં
નાશયામઃ સદાન્વાઃ ॥

વાવદાકામ્ અલ્ભષાસાં
વિજવ્રાં લબ્રુવં લવુમ્ ।
અરાયીં વાચમેજયાં
નાશયામઃ સદાન્વાઃ ॥