પૈપ્પલાદ-સંહિતા · અધ્યાય 17.13

યા ધાન્યાત્ સંભવન્તિ
ક્ષેત્રાદ્ ઉપ્તાદ્ વર્પિતાત ।
કૃતાદ્ અભિપ્રહાય્યા
નશ્યતેતઃ સદાન્વાઃ ॥

યાઃ પુરુષાઃ પાપગન્ધાઃ
સદા રુક્ષા વિસૃક્પદી ।
તા વજ્રેણ સમર્પયન્
નિરજેતઃ શચીપતે ॥

ઉત્ તિષ્ઠત નિર્ દ્રવત
ન વ ઇહાસ્તિ ન્યઞ્ચનમ્ ।
ઇન્દ્રો વઃ સર્વાસાં સાકં
ગર્ભાન્ આણ્ડાનિ ભેત્સ્યતિ ॥

ઇન્દ્ર જહિ સ્થૂલશંખાં
મૃણીહિ દુર્ણશીં કુહમ્ ।
અરાયીં શકધૂમ્યં
નાશયામઃ સદાન્વાઃ ॥

કિમ્ આસુતાં નગ્નહ્વમ્
અજમાયું ચ નિઘ્નતીમ્ ।
વિટિટિઙ્ગાઃ પ્રતોદિનીર્
નાશયામઃ સદાન્વાઃ ॥

યસ્યાસુતં રન્ધયધ્વે
યૂયં ભણ્વાઃ સદાન્વાઃ ।
તૃષ્ટં કૃણુતાણ્ડરં
યદા રસેન તૃપ્યત-
-આત્ સુરામ્ અવ મેહથ ॥

તસ્યાઃ પીત્વાવમક્ત્ય્
અથો શીર્ષક્ત્ય્ આ શયે ।
તા એકાન્નદૂષણીર્
નાશયામઃ સદાન્વાઃ ॥

અપારોગાઞ્ છકધૂમાન્
વૃક્ષાણાં યન્તુ સત્વરમ્ ।
અથો દુર્હાર્દસો ગૃહં
પ્ર મૃશન્ત્વ્ અરાય્યઃ ॥

તાસામ્ એકાચ્છવકા
શઙ્કાવઙ્કા વનેકૃકુર્
હસનૈકા કનિક્રદા ।
સર્વાસાં ભણ્વા વઃ સાકં
નામધેયાનિ વિદ્મસિ ।
યતિ જાતાનિ વસ્ તતિ
નશ્યતેતઃ સદાન્વાઃ ॥

સહસ્વતીં પ્ર હરામિ-
ઇમાં શાલાં વિષાસહિમ્ ।
સદાન્વાઘ્નીમ્ ઓષધિં
જૈત્રાયાચ્છા વદામસિ ॥