પૈપ્પલાદ-સંહિતા · અધ્યાય 16.88
યા આપો યાશ્ ચ દેવતા
યા વિરાડ્ બ્રહ્મણા સહ ।
શરીરં બ્રહ્મ પ્રાવિશચ્
છરીરે ઽધિ પ્રજાપતિઃ ॥
સૂર્યશ્ ચક્ષુર્ વાતઃ પ્રાણં
પુરુષસ્ય વિ ભેજિરે ।
અથાસ્યેતરમ્ આત્માનં
દેવાઃ પ્રાયચ્છન્ન્ અગ્નયે ॥
તસ્માદ્ વૈ વિદ્વાન્ પુરુષમ્
ઇદં બ્રહ્મેતિ મન્યતે ।
સર્વા હ્ય્ અસ્મિન્ દેવતાઃ
શરીરે ઽધિ સમાહિતાઃ ॥
યદૈભ્ય સ્થાનમ્ અઙ્ગેષુ
પિતા લોકાઁ અકલ્પયત્ ।
શરીરં સર્વા દેવતા
યથાઙ્ગમ્ અનુ પ્રાવિશન્ ॥
અઙ્ગમઙ્ગં શરીરસ્ય
સર્વે દેવા અનુ પ્રાવિશન્ ।
પિતા હ્ય્ એભ્યઃ પ્રાયચ્છત્
તં લોકમ્ અપરાજિતમ્ ॥
તં લોકમ્ અપરાજિતં
સર્વે દેવા અનુ પ્રાવિશન્ ।
પ્રજાપતિર્ યમ્ આભરચ્
છરીરં બહુધા હિતમ્ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0