પૈપ્પલાદ-સંહિતા · અધ્યાય 16.85

યન્ મન્યુર્ જાયામ્ આવહત્
સંકલ્પસ્ય ગૃહાદ્ અધિ ।
ક આસઞ્ જન્યાઃ કે વરાઃ
ક ઉ જ્યેષ્ઠવરો ઽભવત્ ॥

તપશ્ ચૈવાસ્તાં કર્મ ચ-
-અન્તર્ મહત્ય્ અર્ણવે ।
ત આસન્ જન્યાસ્ તે વરાઃ
સ ઉ જ્યેષ્ઠવરો ઽભવત્ ॥

દશ સાકમ્ અજાયન્ત
દેવા દેવેભ્યઃ પરઃ ।
યો વૈ તાં વિદ્યાન્ નામથા
સ વા અદ્ય મહદ્ વદેત્ ॥

પ્રાણાપાણૌ ચક્ષુઃ શ્રોત્રમ્
અક્ષિતિશ્ ચ ક્ષિતિશ્ ચ યા ।
વ્યાનોદાનો વાઙ્ મનસ્ તે
વા આકૂતિમ્ આ વહન્ ॥

અજાતા આસન્ન્ ઋતવો
ઽથો ધાતા બૃહસ્પતિઃ ।
ઇન્દ્રાગ્ની અશ્વિના તર્હિ
કં તે જ્યેષ્ઠમ્ ઉપાસત ॥

તપશ્ ચૈવાસ્તાં કર્મ ચ-
-અન્તર્ મહત્ય્ અર્ણવે ।
તપો હ જજ્ઞે કર્મણસ્
તં તે જ્યેષ્ઠમ્ ઉપાસત ॥

કુત ઇન્દ્રઃ કુતઃ સોમઃ
કુતો અગ્નિર્ અજાયત ।
કુતસ્ ત્વષ્ટા સમ્ અભવદ્
ધાતા સમ્ અભવત્ કુતઃ ॥

ઇન્દ્રાદ્ ઇન્દ્રઃ સોમાત્ સોમો
અગ્નેર્ અગ્નિર્ અજાયત ।
ત્વષ્ટા હ જજ્ઞે ત્વષ્ટુર્
ધાતા ધાતુર્ અજાયત ॥

યે ત આસન્ દશ જાતા
દેવા દેવેભ્યઃ પરઃ ।
પુત્રેભ્યો લોકં દત્ત્વા
કસ્મિન્ તે લોક આસતે ॥

યેતો ભૂમિઃ પુર્વાસીદ્
યામ્ અદ્ધાતય ઇદ્ વિદુઃ ।
કે તસ્યાં દેવા આસતે
કસ્મિન્ન્ ઉ સાધિશ્રિતા ॥