પૈપ્પલાદ-સંહિતા · અધ્યાય 16.86

કુતઃ કેશાન્ કુતઃ સ્નાવ
કુતો અસ્થીન્ય્ આભરત્ ।
અઙ્ગા પર્વાણિ મજ્જાનં
કો માંસં કુત આભરત્ ॥

યદા કેશાન્ અસ્થિ સ્નાવ
માંસં મજ્જાનમ્ આભરત્ ।
શરીરં કૃત્વા પાદવત્
કં લોકમ્ અનુ પ્રાવિશત્ ॥

સંસિચો નામ તે દેવા
યે સંભારૈઃ સમભરન્ ।
સર્વં સંસિચ્ય મર્ત્યં
દેવાઃ પુરુષમ્ આવિશન્ ॥

શિરો હસ્તાવ્ અથો બાહૂ
જિહ્વાં ગ્રીવાશ્ ચ કીકસાઃ ।
પૃષ્ટીર્ બર્જહ્યે પાર્શ્વે
કસ્ તત્ સમ્ અદધાદ્ ઋષિઃ ॥

ઊરૂ પાદાવ્ અષ્ઠીવન્તૌ
શ્રોણી હસ્તાવ્ અથો મુખમ્ ।
ત્વચા પ્રાવૃત્ય તત્ સર્વં
સંધા સમ્ અદધાન્ મહી ॥

યત્ તચ્ છરીરમ્ અપયત્
સંધયા સંહિતં મહત્ ।
યેનેદમ્ અદ્ય રોચતે
કો અસ્મિન્ વર્ણમ્ આભરત્ ॥

સર્વે દેવા ઉપાશિક્ષન્
તદ્ ઉ જાનાદ્ વધૂઃ સતી ।
ઈશા વશસ્ય યા જાયા
સાસ્મિન્ વર્ણમ્ આભરત્ ॥

યદા ત્વષ્ટા વ્યતૃણત્
પિતા ત્વષ્ટુર્ ય ઉત્તરઃ ।
ગૃહં કૃત્વા મર્ત્યં
દેવાઃ પુરુષમ્ આવિશન્ ॥

સ્વપ્નો વૈ તન્દ્રીર્ નિરૃતિઃ
પાપ્માનો નામ દેવતાઃ ।
જરા ખાલિત્યં પાલિત્યં
શરીરમ્ અનુ પ્રાવિશન્ ॥

સ્તેયં દુષ્કૃતં વૃજિનં
સત્યં યજ્ઞો યશો મહઃ ।
બલં ચ ક્ષત્રમ્ ઓજશ્ ચ
શરીરમ્ અનુ પ્રાવિશન્ ॥