પૈપ્પલાદ-સંહિતા · અધ્યાય 16.66

અસ્ય વામસ્ય પલિતસ્ય હોતુસ્
તસ્ય ભ્રાતા મધ્યમો અસ્ત્ય્ અશ્નઃ ।
તૃતીયો ભ્રાતા ઘૃતપૃષ્ઠો અસ્ય-
-અત્રાપશ્યં વિશ્પતિં સપ્તપુત્રમ્ ॥

સપ્ત યુઞ્જન્તિ રથમ્ એકચક્રમ્
એકો અશ્વો વહતિ સપ્તનામા ।
ત્રિનાભિ ચક્રમ્ અજરમ્ અનર્વં
યસ્મિન્ન્ ઇમા વિશ્વા ભુવનાનિ તસ્થુઃ ॥

ઇમા રથમ્ અધિ યે સપ્ત તસ્થુઃ
સપ્તચક્રં સપ્ત વહન્ત્ય્ અશ્વાઃ ।
સપ્ત સ્વાસરો અભિ સં નવન્ત
યત્ર ગવાં નિહિતા સપ્ત નામા ॥

કો દદર્શ પ્રથમં જાયમાનમ્
અસ્થન્વન્તં યદ્ અનસ્થા બિભર્તિ ।
ભૂમ્યા અસુર્ અસૃગ્ આત્મા ક્વ સ્વિત્
કો વિદ્વાંસમ્ ઉપ ગાત્ પ્રષ્ટુમ્ એતત્ ॥

પાકઃ પૃચ્છામિ મનસાવિજાનન્
દેવાનામ્ એના નિહિતા પદાનિ ।
વત્સે બષ્કયે ઽધિ સપ્ત તન્તૂન્
વિ તત્નિરે કવય ઓતવા ઉ ॥

અચિકિત્વાંશ્ ચિકિતુષશ્ ચિદ્ અત્ર
કવીન્ પૃચ્છામિ વિદ્મને ન વિદ્વાન્ ।
વિ યસ્ તસ્તમ્ભ ષડ્ ઇમા રજાંસ્ય્
અજસ્ય રૂપે કિમ્ અપિ સ્વિદ્ એકમ્ ॥

ઇહ બ્રવીતુ ય ઈમ્ અઙ્ગ વેદ-
-અસ્ય વામસ્ય નિહિતં પદં વેઃ ।
શીર્ષ્ણઃ ક્ષીરં દુહ્રતે ગાવો અસ્ય
વવ્રિં વસાના ઉદકં પદાપુઃ ॥

માતા પિતરમ્ ઋત આ બભાજ
ધીત્ય્ અગ્રે મનસા સં હિ જગ્મે ।
સા બીભત્સુર્ ગર્ભરસા નિવિદ્ધા
નમસ્વન્ત ઇદ્ ઉપવાકમ્ ઈયુઃ ॥

યુક્તા માતાસીદ્ ધુરિ દક્ષિણાયા
અતિષ્ઠદ્ ગર્ભો વૃજનીષ્વ્ અન્તઃ ।
અમીમેદ્ વત્સો અનુ ગામ્ અપશ્યદ્
વિશ્વરૂપ્યં ત્રિષુ યોજનેષુ ॥

તિસ્રો માતૄસ્ ત્રીન્ પિતૄન્ બિભ્રદ્ એક
ઊર્ધ્વસ્ તસ્થૌ નેમ્ અવ ગ્લાપયન્તિ ।
મન્ત્રયન્તે દિવો અમુષ્ય પૃષ્ઠે
વિશ્વવિદં વાચમ્ અવિશ્વમિન્વામ્ ॥