પૈપ્પલાદ-સંહિતા · અધ્યાય 16.63

અયં તે વરણો મણિઃ
સપત્નક્ષયણઃ કૃતઃ ।
તેના રભસ્વ ત્વં શત્રૂન્
પ્ર મૃણીહિ દુરસ્યતઃ ॥

ઐનાઞ્ છૃણીહિ પ્ર મૃણા રભસ્વ
મણિસ્ તે અસ્તુ પુરએતા પુરસ્તાત્ ।
અવારયન્ત વરણેન દેવા
અભ્યાચારમ્ અસુરાણાં શ્વઃશ્વઃ ॥

આ ત્વારક્ષદ્ વરણો વિશ્વભેષજઃ
સહસ્રાક્ષો હરિતો હિરણ્યયઃ ।
યસ્ તે શત્રૂન્ અધરાન્ પાતયાસિ
પૂર્વસ્ તાન્ દભ્નુહિ ય ઉ ત્વા દ્વિષન્તિ ॥

અયં તે કૃત્યાં વિતતાં
પૌરુષેયમ્ અયં વધમ્ ।
અયં તે સર્વં પાપ્માનં
વરણો વારયિષ્યતે ॥

વરણો વારયાતા
ઇદં દેવો વનસ્પતિઃ ।
યક્ષ્મઃ પ્રવિષ્ટો યો ઽસ્મિન્
તમ્ ઉ દેવા અવીવરન્ ॥

સ્વપ્નં સુપ્ત્વા યદિ પશ્યાસિ પાપં
મૃગઃ સૃતિં યતિ ધાવાદ્ અજુષ્ટામ્ ।
પરિક્ષવાચ્ છકુનેઃ પાપવાદાદ્
અયં મણિર્ વરણો વારયાતૈ ॥

અરાત્યા મા નિરૃત્યા
અભિચારાદ્ અથો ભયાત્ ।
મૃત્યોર્ ઓજીયસો વધાત્
ત્વં વરણ વારય ॥

વરણેન પ્રવ્યથિતા
ભ્રાતૃવ્યા મે સબન્ધવઃ ।
અસૂર્તં રજો ઽપ્ય્ અગુસ્
તે યન્ત્વ્ અધમં તમઃ ॥

યન્ મે માતા યન્ મે પિતા ભ્રાતરો
યચ્ ચ મે સ્વા યદ્ એનશ્ ચકૃમા વયમ્ ।
તસ્માન્ નો વારયિષ્યતે
ઽયં દેવો વનસ્પતિઃ ॥

અરિષ્ટો ઽહમ્ અરિષ્ટગુર્
આયુષ્માન્ સર્વપૂરુષઃ ।
તં માયં વરણો મણિઃ
પરિ પાતુ દિશોદિશઃ ॥