પૈપ્પલાદ-સંહિતા · અધ્યાય 16.64

અયં મે વરણ ઉરસિ
રાજા દેવો વનસ્પતિઃ ।
સ મે ક્ષત્રં ચ રાષ્ટ્રં ચ
પશૂન્ ઓજશ્ ચ મે દધત્ ॥

ઇમં બિભર્મિ વરણમ્
આયુષ્માઞ્ છતશારદઃ ।
સ મે શત્રૂન્ વિ બાધતામ્
ઇન્દ્રો દસ્યૂન્ ઇવાસુરાન્ ॥

યથા વાતો વનસ્પતીન્
જીર્ણાન્ ભનક્ત્ય્ ઓજસા ।
એવા સપત્નાંસ્ ત્વં ભઙ્ધિ
પૂર્વાઞ્ જાતાન્ ઉતાપરાન્
વરણસ્ ત્વાભિ રક્ષતુ ॥

યથા વાતેન પ્રક્ષીણા
વૃક્ષાઃ શેરે ન્યર્પિતાઃ ।
(એવા સપત્નાંસ્) ત્વં સર્વાન્
પ્ર ક્ષિણીહિ ન્યર્પય
પૂર્વાઞ્ જાતાન્ ઉતાપરાન્
વરણસ્ (ત્વાભિ રક્ષતુ) ॥

યથા વાતશ્ ચાગ્નિશ્ ચ
સર્વાન્ પ્સાતો વનસ્પતીન્ ।
એવા સપત્નાંસ્ ત્વં પ્સાહિ
પૂર્વાઞ્ જાતાન્ ઉતાપરાન્
વરણસ્ ત્વાભિ રક્ષતુ ॥

તાંસ્ ત્વં પ્ર છિન્ધિ વરણ
પુરા દિષ્ટાત્ પુરાયુષઃ ।
ય ઇમં પશુષુ દિપ્સન્તિ
યે ચાસ્ય રાષ્ટ્રદિપ્સવઃ ॥

યથા સૂર્યો અતિભાતિ
યથાસ્મિન્ તેજ આહિતમ્ ।
એવા સપત્નાંસ્ ત્વં સર્વાન્
અતિ ભાહિ શ્વઃશ્વો
વરણસ્ ત્વાભિ રક્ષતુ ॥

યથા યશઃ પૃથિવ્યાં
યથાસ્મિઞ્ જાતવેદસિ ।
એવા મે વરણો મણિઃ
કીર્તિં ભૂતિં નિ યચ્છતુ
તેજસા મા સમ્ ઉક્ષતુ
યશસા સમ્ અનક્તુ મામ્ ॥

યથા યશો અગ્નિહોત્રે
વષટ્કારે યથા યશઃ ।
(…) ॥

યથા યશઃ સોમપીથે
મધુપર્કે યથા યશઃ ।
(…) ॥