પૈપ્પલાદ-સંહિતા · અધ્યાય 16.6

રક્ષોહણં વાજિનમ્ આ જિઘર્મિ
મિત્રં પ્રથિષ્ઠમ્ ઉપ યામિ શર્મ ।
શિશાનો અગ્નિઃ ક્રતુભિઃ સમિદ્ધઃ
સ નો દિવા સ રિષઃ પાતુ નક્તમ્ ॥

અયોદંષ્ટ્રાન્ અર્ચિષા વાવૃધાનાન્
ઉપ સ્પૃશ જાતવેદઃ સમિદ્ધઃ ।
આ જિહ્વયા મૂરદેવાન્ રભસ્વ
ક્રવ્યાદો વૃષ્ટ્વાપિ ધત્સ્વાસન્ ॥

ઉભોભયાવિન્ન્ ઉપ દેહિ દંષ્ટ્રા
હિંસ્રઃ શિશાનો ઽવરં પરં ચ ।
ઉતાન્તરિક્ષે પરિ યાહ્ય્ અગ્ને
જમ્ભૈઃ સં ધેહ્ય્ અભિ યાતુધાનાન્ ॥

અગ્ને ત્વચં યાતુધાનસ્ય ભિન્ધિ
હિંસ્રાશનિર્ હરસા હન્ત્વ્ એનમ્ ।
પ્ર પર્વાણિ જાતવેદઃ શૃણીહિ
ક્રવ્યાત્ ક્રવિષ્ણુર્ વિ ચિનોત્ય્ એનમ્ ॥

યજ્ઞૈર્ ઇષૂઃ સંનમમાનો અગ્ને
વાચા શલ્યાઁ અશનિભિર્ દિહાનઃ ।
તાભિર્ વિધ્ય હૃદયે યાતુધાનાન્
પ્રતીચો બાહૂન્ પ્રતિ ભઙ્ધ્ય્ એષામ્ ॥

યત્રેદાનીં પશ્યસિ જાતવેદસ્
તિષ્ઠન્તમ્ અગ્ન ઉત વા ચરન્તમ્ ।
ઉતાન્તરિક્ષે પતન્તં યાતુધાનં
તમસા વિધ્ય સર્વા શિશાનઃ ॥

ઉતારબ્ધાચ્ છૃણીહિ જાતવેદ
ઉતારેભાણાદ્ ઋષ્ટિભિર્ યાતુધાનાત્ ।
અગ્ને પૂર્વો નિ જહિ શોશુચાન
આમાદઃ ક્ષ્વિઙ્કાસ્ તમ્ અદન્ત્વ્ એનીઃ ॥

ઇહ પ્ર બ્રૂહિ યતમઃ સો અગ્ને
યો યાતુધાનો ય ઇદં શૃણોતિ ।
તમ્ આ રભસ્વ સમિધા યવિષ્ઠ
નૃચક્ષસશ્ ચક્ષુષે રન્ધયૈતમ્ ॥

તીક્ષ્ણેનાગ્ને ચક્ષુષા રક્ષ યજ્ઞં
પ્રાઞ્ચં વસુભ્યઃ પ્ર ણય પ્રચેતઃ ।
હિંસ્રં રક્ષાંસ્ય્ અભિ શોશુચાનં
મા ત્વા દભન્ યાતુધાના નૃચક્ષઃ ॥

નૃચક્ષા રક્ષઃ પ્રતિ પશ્ય વિક્ષુ
તસ્ય ત્રીણિ પ્રતિ શૃણીહ્ય્ અગ્રા ।
તસ્યાગ્ને પૃષ્ટીર્ હરસા શૃણીહિ
ત્રેધા મૂલં યાતુધાનસ્ય વૃશ્ચ ॥