પૈપ્પલાદ-સંહિતા · અધ્યાય 16.27

અયં પ્રતિસરો મણિર્
વીરો વીરાય બધ્યતે ।
વીર્યાવાન્ત્ સપત્નહા શૂરવીરઃ
પરિપાણઃ સુમઙ્ગલઃ ॥

અયં મણિઃ સપત્નહા સુવીરઃ
સહસ્વાન્ વાજી સહમાન ઉગ્રઃ ।
પ્રત્યક્ કૃત્યા દૂષયન્ન્ એતુ વીરઃ ॥

અનેનેન્દ્રો મણિના વૃત્રમ્ અહન્ન્
અનેનાસુરાન્ પરાભાવયન્ મનીષી ।
અનેન દ્યાવાપૃથિવી ઉભે અજયદ્
અનેનાજયત્ પ્રદિશશ્ ચતસ્રઃ ॥

અયં સ્રાક્ત્યો મણિઃ
પ્રતીવર્તઃ પ્રતિસરઃ ।
ઓજસ્વાન્ વિમૃધો મણિઃ
સો અસ્માન્ પાતુ વિશ્વતઃ ॥

તદ્ અગ્નિર્ આહ તદ્ ઉ સોમ આહ
બૃહસ્પતિઃ સવિતા તદ્ ઇન્દ્રઃ ।
તે તે દેવાઃ પુરોહિતાઃ પ્રતીચીઃ
કૃત્યાઃ પ્રતિસરૈર્ અજન્તુ ॥

અન્તર્ દધે દ્યાવાપૃથિવી
ઉતાહર્ ઉત સૂર્યમ્ ।
ઉતેમં બ્રહ્મણસ્પતિં
તે તે દેવાઃ પુરોહિતાઃ પ્રતીચીઃ
કૃત્યાઃ પ્રતિસરૈર્ અજન્તુ ॥

યે સ્રાક્ત્યં મણિં
જના વર્માણિ કૃણ્વતે ।
સૂર્યો દિવમ્ ઇવારુહ્ય
વિ કૃત્યા બાધતે વશી ॥

સ્રાક્ત્યેન મણિન
ઋષિણેવ મનીષિણા ।
અજૈષં સર્વાઃ પૃતના
વિ મૃધો હન્મિ રક્ષસઃ ॥

યાઃ કૃત્યા આઙ્ગિરસીર્
યાઃ કૃત્યા આસુરીર્ ઉત ।
કૃત્યા યાઃ સ્વયંકૃતા
યા ઉ ચાન્યેભિર્ આભૃતાઃ ।
ઉભયીસ્ તાઃ પરા યન્તુ
પરાવતં નવતિં નાવ્યા અતિ ॥

અસ્મૈ મણિં વર્મ બધ્નન્તુ દેવા
ઇન્દ્રો વિષ્ણુઃ સવિતા રુદ્રો અગ્નિઃ ।
પ્રજાપતિઃ પરમેષ્ઠી વિરાડ્
વૈશ્વાનર ઋષયશ્ ચ સર્વે ॥