પૈપ્પલાદ-સંહિતા · અધ્યાય 16.26
અયં પિપાન ઇન્દ્રિયં
રયિં બિભર્તિ ચેતનીમ્ ।
અયં ધેનું સુદુઘાં નિત્યવત્સાં
વશં દુહે વિપશ્ચિતં પુરો દિવઃ ॥
પિશઙ્ગરૂપો નભસો વયોધા
ઐન્દ્રઃ શુષ્મો વિશ્વરૂપો ન આગન્ ।
પ્રજામ્ અસ્મભ્યં દધદ્ રયિં ચ
રાયસ્પોષમ્ ઉપસત્વા સદેમ ॥
એતં વો યુવાનં પરિ દધ્મો અત્ર
તેન ક્રીડન્તીશ્ ચરત વશાઁ અનુ ।
મા નો હિંસિષ્ટ જનુષા સુભાગા
રાયશ્ ચ પોષૈર્ અભિ નઃ સચધ્વમ્ ॥
ઉપેહોપપર્ચનો
ઽસ્મિન્ ગોષ્ઠ ઉપ પૃઞ્ચતુ ।
ઉપ ઋષભસ્ય યદ્ રેત
ઉપેન્દ્ર તવ વીર્યમ્ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0