પૈપ્પલાદ-સંહિતા · અધ્યાય 16.25

ય ઇન્દ્ર ઇવ દેવેષ્વ્
એતિ ગોષુ વિવાવદત્ ।
તસ્ય ઋષભસ્યાઙ્ગાનિ
બ્રહ્મા સં સ્તૌતુ ભદ્રયા ॥

પાર્શ્વે આસ્તામ્ અનુમત્યા
ભગસ્યાસ્તામ્ અનૂવૃજૌ ।
અષ્ઠીવન્તાવ્ અબ્રવીન્ મિત્રો
મમૈતૌ કેવલાવ્ ઇતિ ॥

ભસદ્ આસીદ્ આદિત્યાનાં
શ્રોણી આસ્તાં બૃહસ્પતેઃ ।
પુચ્છં વાતસ્ય દેવસ્ય
તેન ધૂનોત્ય્ ઓષધીઃ ॥

ક્રોડ આસીજ્ જામિશંસસ્ય
સોમસ્ય કલશો ધૃતઃ ।
ઉત્થાતુર્ અબ્રુવન્ પદો
યદ્ ઋષભં વ્યકલ્પયન્ ॥

ગુદા આસન્ સિનીવાલ્યાઃ
સૂર્યાયાસ્ ત્વચમ્ અબ્રુવન્ ।
દેવાઃ સંગત્ય યત્ સર્વ
ઋષભં વ્યકલ્પયન્ ॥

તે કુષ્ઠિકાઃ સરમાયૈ
કૂર્મેભ્યો અદધુઃ શફાન્ ।
ઊબધ્યમ્ અસ્ય કીટેભ્યશ્
શ્વવર્તેભ્યો અધારયન્ ॥

શૃઙ્ગાભ્યાં રક્ષ ઋષત્ય્
અરાતિં હન્તિ ચક્ષુષા ।
શૃણોતિ ભદ્રં કર્ણાભ્યાં
ગવાં યઃ પતિર્ અઘ્ન્યઃ ॥

શતયાજં સ યજતે
નૈનં દુન્વન્ત્ય્ અગ્નયઃ ।
જિન્વન્તિ સર્વે તં દેવા
યો બ્રાહ્મણ ઋષભમ્ આ જુહોતિ ॥

બ્રાહ્મણાય વૃષભં દત્ત્વા
વરીયઃ કૃણુતે મનઃ ।
પુષ્ટિં સો અઘ્ન્યાનાં
સ્વે ગોષ્ઠે વિ પશ્યતુ ॥

ગાવઃ સન્તુ પ્રજાઃ સન્ત્વ્
અથો અસ્તુ તનૂબલમ્ ।
સર્વં તદ્ અનુ મન્યન્તાં
દેવા ઋષભદાયિને ॥