पैप्पलाद-संहिता · अध्याय 16.26
अयं पिपान इन्द्रियं
रयिं बिभर्ति चेतनीम् ।
अयं धेनुं सुदुघां नित्यवत्सां
वशं दुहे विपश्चितं पुरो दिवः ॥
पिशङ्गरूपो नभसो वयोधा
ऐन्द्रः शुष्मो विश्वरूपो न आगन् ।
प्रजाम् अस्मभ्यं दधद् रयिं च
रायस्पोषम् उपसत्वा सदेम ॥
एतं वो युवानं परि दध्मो अत्र
तेन क्रीडन्तीश् चरत वशाँ अनु ।
मा नो हिंसिष्ट जनुषा सुभागा
रायश् च पोषैर् अभि नः सचध्वम् ॥
उपेहोपपर्चनो
ऽस्मिन् गोष्ठ उप पृञ्चतु ।
उप ऋषभस्य यद् रेत
उपेन्द्र तव वीर्यम् ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0